Alarde parekidearen kontrako erasoak ikertuko dituztela iragarri du Erkorekak
Josu Erkoreka Jaurlaritzako Justizia eta Herri Administrazio sailburuak jakinarazi duenez, Hondarribiko alarde diskriminatzailearen aldekoek larunbatean Jaizkibel Konpainiari egin zizkioten erasoak ikertzeko, grabazioak aztertzeari ekingo dio Segurtasun sailak.
700 kidez osatutako alarde parekidearen desfilea Kale Nagusian sartu zenean, desfile baztertzailearen aldekoek giroa nahasi zuten, plastiko beltzak jarriz, kontrako kartelak erakutsiz eta oihu eginez. Gertakaria salatzeko, ostegunean prentsaurrekoa eskainiko du Jaizkibelek 16:30ean.
Imanol Lasa Gipuzkoako Foru Aldundiko bozeramaileak “tentsioa baretzeko” eskatu du, larunbateko gertaera “negargarria”, “tristea” eta “atzerapausoa”, dela nabarmenduz. Gaineratu du, duela 22 urte hasi zela arazoa eta herriko erakunde, administrazio eta biztanleen iritzi denak kontuan hartuta konpondu behar dela.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.