AHTren Donostiako geltokiko lanak hilabete honetan hasiko dira
Noticias de Gipuzkoa hedabideak aurreratu duenez, Donostiako AHTren geltokia egiteko obrak hilabete honetan hasiko dira. Izan ere, hainbat izapide administratibo eta erreklamazio konpontzea besterik ez da falta.
Lanak martxoan hasi behar ziren. Izan ere, hilabete horretan Eusko Jaurlaritzak Moyua, Comsa eta Cycasa enpresen arteko baturari esleitu zizkion obrak, 80 milioi eurotan. Esleipenean, obra 42 hilabetetan amaitzeko betebeharra jasotzen zen, alegia, 2024 urte hasierarako. Hala ere, pandemia egoerak lanak atzeratzera derrigortu du.
Geltoki berriak bost nasa izango ditu, horietako bi aldiriko trenentzat —hiru biderekin—, eta hiru distantzia luzeko eta abiadura handiko trenentzat —lau biderekin—. Eraikinari dagokionez, fatxada mantenduko dute, baina barrua berregingo dute. Besteak beste, bi solairu gehiago izango ditu, atari berriak aldiriko zein distantzia luzeko trenentzat, baita gune komertziala ere. Era berean, autobus geltokiarekin lotura zuzena izango du.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]