Ahed Tamimi ekintzaile palestinarra aske geratu da

  • Hamazazpi urteko gaztea zortzi hilabete egon da kartzelan zaplastekoak emateagatik Israelgo soldadu bati. Bera bezala, 350 adin txikiko daude Israelgo espetxeetan.


2018ko abuztuaren 01an - 12:18
Ahed Tamimi bere aitarekin Bassem al-Tamimi (Argazkia: La Voz)

2017ko abenduaren 15ean Ahed Tamimiren berri izan genuen. Sare sozialetan ezagun bilakatu zuen bideo batek. Israelgo soldadu bati zaplastekoa jo zion bere lehengusuari gomazko pilotak jaurtitzeagatik. Bost egun geroago atxilotua izan zen. Nazioartean arrabotsa eragin zuen kasuak eta zortzi hilabeteko espetxe-zigorrera zigortu zuten.

“Zuzenbideko ikasketekin jarraituko dut nire herrialdearen arazoari buruz nazioarteko foro guztietan hitz egiteko eta presoen kausa defendatzeko”, adierazi zuen aske geratu eta geroko prentsaurrekoan.

Kartzelan pasatako hilabeteak “deskribaezinak” direla esan du eta “esperientzia honek nire bizitza baloratzeko balio izan du”, gehitu du. Familiak galdeketen bideoa zabaldu zuen gaizki tratatzen zutela erakusteko.

Ahed Tamimi ezagun egin da Israelgo soldaduen aurka egiteagatik. 2011ean ukabila altxatua zuela, soldadu batzuen aurka aurpegiratu zen bere anaia non zegoen galdetuz, 2012an bere anai gaztea atxilotu nahi zutenean bere familiako kideekin batera ekidin zuen atxiloketa. 2012ko gertakariarengatik Turkiako presidente Tayyip Erdoganek “Handala Courage Award” saria eman zion.

Ahed Tamimi, bere aita Bassem al-Tamimi bezala, Israelgo okupazioaren aurkako ekintzaileak dira. Gertutik jasan dituzte etxean ondorioak: Aheden osaba bat eta lehengusu bat Israelgo poliziak hil ditu.

 

 


Kanal honetatik interesatuko zaizu: Palestina
2024-03-27 | ARGIA
NBEk lehen aldiz su etena eskatu du Gazan

32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-24 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2024-03-24 | Marta Maroto
Inork nahi ez duen gerra saihetsezina

Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]


Eguneraketa berriak daude