AEBek gomazko pilotekin eta gas negar-eragilearekin erantzun diete igandean migratzaileei

  • Astebete baino gehiago daramate Tijuanan, muga zeharkatu nahian. Trumpek 6.000 militar baino gehiago ditu bertan. Igandean muga igarotzen ahalegindu ziren, eta gogor erantzun zuten AEBek.

Gorka Peņagarikano @gorkap34
2018ko azaroaren 27a
Argazkia: @albertopradilla

Igande arratsaldean tentsio handia izan zen Tijuanan, Mexikoren eta AEBen arteko mugan. Azaroaren 18ko asteburuan iritsi zen azken migratzaile multzoa bertara. Orotara, sei mila lagun inguru daude bertan. Mexikar batzuk aldiz, kexu dira: ez dituzte bertan nahi, ez dute hiriaren erdigunean aterpea hartzerik nahi. Ia eguneroko kontua bihurtzen ari dira hauen manifestazioak.

Hilabete baino gehiago igaro da Hondurastik eta El Salvadorretik irten zirenetik. 12.000 pertsona inguru zirela esan zen, baina egun, Tijuanan 6.000 aurkitzen dira. Beste batzuk ekialdean daude, Rio Grande ibaiaren ur ertzean –Trumpek alanbrezko hesia ezarri du bertan–. Nazioartean erabilienetakoa den muga da San Ysidrokoa –egunean 90.000 pertsonak gurutzatzen dute–, eta hau ere denboraldi batean itxita egongo da Trumpek hala erabakita, Democracy Now hedabideak jakinarazi duenez.

“Hesia zulatu eta ehunka migratzaile ziztu bizian hasi ziren muga igarotzen”, adierazi du Alberto Pradilla kazetariak Plaza Pública-ren webgunean. Dena dela, ondo prestatuta daudela erakutsi zuten AEBen Border Patrol-ek. Gas negar-eragilearekin eta pilotazko gomekin erantzun irmoa eman zuten, migratzaileei arnasa hartzea oztopatuz. Tartean emakume eta ume asko zeuden.

Tentsioa ugaritu eta Mexikoko Poliziak esku hartu zuen, istiluen kontrako polizia karga handia mugara bidaliz. “Asaldatuta” zeuden 40 migratzaile inguru atxilotu zituzten. AEBek esan dute atxilotutako migratzaileak berehala deportatuko dituela. Mexikori ere gauza bera egiteko eskatu dio.

Batzuk jada beste aldean dira

Buzzfeed webguneko kazetari batek jaso duenez, 30 lagun inguru AEBen lurraldean dira dagoeneko. Legearen barruan –Trumpek tramite hauek ez zituela onartuko esan zuen– asiloa eskatzea da hauen helburua. Ikusteke dago lortuko duten ala ez, tramitazioaren iraupena bikoiztu egin baita.

 

776 witter.com/

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Migratzaileen karabana  |  AEB  |  Mexiko  |  Migrazioa

Migratzaileen karabana kanaletik interesatuko zaizu...
Zirt edo zart

Ez aurrera eta ez atzera dago Ertamerikako migratzaileen karabana Mexikoko Tijuanan. Milaka lagunen ametsa zen, kolektiboaren indarraz baliatuta, AEBetako muga gainditzea. Hilabetea eman dute zain, baina tenperatura baxuak eta euriak larritasuna barreiatu dute kanpamentuetan. Egoeraren larria ikusirik, bakan batzuek etxera itzultzea deliberatu dute. Beste batzuek AEBetako hesien, polizien, militarren eta paramilitarren oztopoei, nola edo hala, aurre egitea erabaki dute.


Azken urratsaren faltan, buelta erdia ematear dira

Muga zeharkatzea ezinezkoa da estatubatuar militarren begiradapean. “AEB ez da babeslekua” dio Trumpek. Ehun lagun inguru beraien herrialdera itzuli da dagoeneko.


"Ez zaituztegu Tijuanan nahi"

Xenofobia nagusi da Tijuanan, Mexiko eta AEBen arteko mugan. 5.000 migratzaile inguru daude hirian, ez aurrera eta ez atzera, eta haien kontra manifestatu dira Tijuanako herritarrak.


AEBetara igarotzear da Migratzaileen Karabana

Lehen 800 migratzaileak iritsi dira Tijuanako hondartzetara, eta hesiaren aurrean dira jada. Datozen ordu eta egunetan iritsiko dira gainontzekoak. Trumpek segurtasun indarrak areagotu ditu, eta muga abendura arte itxi du.


Azkenak
EGILEA
Eguneraketa berriak daude