Fernando Arburua, Jaiki Hadi Elkarteko (Info7 irratian, 18:15)
"11 gaixo larrik jarraitzen dute gartzelan. Espainiako estatuak ez du inongo borondaterik pausorik egiteko. Lehen aukera ematen zen baldintzapeko askatasuna lortzekoa eta orain moztu dute. Ondoren etxean espetxealdia betetzeko aukera ematen zuten baina hori ere moztu dute. 11 hauetatik 2 preso bakarrik daude Euskal Herrian, eta bestean bi estatuetan barreiatuta daude".
Jon Kirru Iparragirre, Ibon Iparragirre gaixo presoaren anaia (Info7 irratian, 18:05)
"Anaia Ibonen egoera egonkorra da momentu honetan. Baina oso larria: HIESa dauka C estadioan, bere gaixotasuna larria, itzulezina eta sendaezina da.
Ibon 2010eko urtarrilean atxilotu zuten eta 2011ko urrian askatu egin zuten espetxealdi arinduarekin eta pultserarekin etxean egon da 2014ko martxoan berriz atxilotu zuten arte. HIESa du, baina horrez gain HIESak eragindako hainbat ondorio ditu: trastorno psikologikoak eta denbora-espazioarenak ditu eta egunetik egunera ikusmena galtzen ari da. Ez dugu denbora askorik, Ibon oso larri dago eta Ibon baino larriago daudenak badaude.
Soilik herri mobilizazioaren bidez lortuko dugu euskal preso politikoen giza eskubideak errespetatzea".
Jokin Aranalde, iheslari eta preso ohia (Info7 irratian, 17:50)
"Erbestetik egun osoa irratia entzunaz ematen nuen. Lagunak elkartzen ginen elkarrekin bazkaltzeko, senideak manifestazioan egoten zirenez. Intentsitate handiz bizi genuen, badelako termometro bat neurtzen duena herri honen nahiak noraino iristen diren".
Rosika Iriarte, preso ohia (Info7 irratian, 17:45)
"Soto del Realen egon nintzen espetxean. Preso nengoelarik gaurko eguna ez zen bisita bat galtzea, ez zen galera, sekulako ilusioa izaten nuen eta gogo handia informazioa jasotzeko. Guk gure ekarpena egiten genuen asteburu bat bisita gabe emanda. Soto del Realen Telemadrid edo antzeko medio fatxek ez dutenez egunik galtzen euren albisteak emanaz, medio espainiar hauei 'esker' jasotzen genuen manifestazioaren berri, noski manipulatuta eta ahalik eta irudi txarrenekin".
Koldo, Aratz Gomezen senidea (Info7 irratian)
"Oso pozik. Ordua da Aratz eta bere kideak kalera ateratzeko. Kalera atera arte denok jarraitu behar dugu tinko. Datorren astean joango naiz nire loba bisitatzen".
Urtzi, Etxerateko kidea (Info7 irratian, 17:15)
"Oso une hunkigarriak dira. Denak ditugu begiak negar tantekin. Eskertzekoa da jendeak egiten digun elkartasuna egun honetan. Presoentzat eta senideoi indarrak ematen dizkigu urtean zehar egiten ditugun bidaiak aurrera eramateko eta lanean jarraitzeko gure helburuarekin, etxean nahi ditugula".
"Zigorra presoarentzat eta senideontzat da. Tokatu egin zaigu senide eta lagunak izatea, baina gu ere kondenatuak gara, inongo epaiketa eta salaketarik gabe".
"Lehenengo pertsonan sufritzen ari garenak kezka dugu gehiegi luzatzen ari dela konponbidea, baina atxilotua den lehen unetik bizi dugu kezka hori".
Teresa Toda, Sarekidea (Info7 irratian, 17:00)
"Zer sentimendu? Emozioa. Gure datuen arabera 300dik gora izan dira autobusak. Aldi berean sentitzen dut indarra dugula gure helburuei eusteko eta nahi dugun puntura iristeko, non dispertsioa gaindituko dugun guztion artean".
"Sare egiten ari den saiakeran gaurkoa mugarria da, ez helmuga. Indar erakustaldia egingo dugu munduari ozen esateko orain dispertsioarekin bukatu behar dugula, kalte egiten diolako preso eta senideen giza eskubide oinarrizkoenei. Gure oihua (nahiz eta isila izan) munduan entzunarazi behar dugu".
"Gaur hona etorri dena konturatuko da bihartik aurrera baduela konpromiso bat dispertsioa garaitzeko. Mila modu daude, izan daiteke beste bati kafe baten bueltan Sareren liburuxka pasatzeko, Sare bere herrian zabaltzen lagunduz, senideei lagunduz..."
"Sarek deialdia jendarteari egin dio, ez gara alderdietan zentratu. Presoen gaia konfrontaziorako erabiltzen da baina giza eskubide arazoa da. Espero dezagun adostasun sendo bat lortuko dugula baita alderdien artean ere, konturatuz eskubide urraketa larria ematen ari dela eta sufrimendua areagotzen ari dela. Une honetan Euskal Herrian beste sufrimenduak eten dira baina gatazkaren ondorio gordina da presoena".
"Bi zutabeekin islatu nahi dugu ibilbide ezberdinetatik bat egin dezakegula puntu berean eta helburu beraren inguruan. Argiarekin azpimarratu nahi dugu gure aldarrikapena. Rotulki fosforitoen modukoa da 'Dispertsiorik Ez' eta 'Now Euskal Herrira' hitzak azpimarratzeko".
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.