Abortatzeko eskubidearen aurkako kartelak jarri dituzte Gasteizko markesinetan
Abortatzeko eskubidearen aurkako publizitate kanpaina bat abiatu du elkarte katoliko batek, abortuak egiten diren kliniketako bezeroen jazarpena defendatuz. Bost kartel jarri dituzte Gasteizen, autobus geltokietako markesinetan.
Bost publizitate kartel jarri dituzte Gasteizko autobus geltokietako markesinetan, abortuak egiten diren kliniken aurrean otoitz egiten duten pertsonak defendatzeko eta abortatzea aukeratu duten pertsonak jazartzeko. Publizitate kanpaina Propagandisten Elkarte Katolikoak kontratatu du Espainiako Estatuko hogeita hamar bat hiritarako.
"Abortatzeko kliniken aurrean otoitz egitea primeran dago", dio karteletako mezuak. "Espainian 99.000 abortu baino gehiago egiten dira urtero. Abortatzeko lekuen aurrean otoitz egiten dutenen delitua da bizitza horietako batzuk salbatu nahi izatea. Mezu hori bertan behera utz daiteke Abortuaren Legearen berehalako erreformaren ondorioz». Kliniketara abortatzera joaten diren emakumeak "jazartzen edo hertsatzen" dituztenak Zigor Kodearen arabera epaitzea ekarriko duen erreformaz ari dira. Lege proposamen hori irailean aurkeztu zuen PSOEk.
Gasteizen, zehazki, 40 Días por la vida izeneko elkarte batek abortatzeko eskubidearen aurkako 40 eguneko kanpaina antolatu zuen iazko irailean eta urrian. Kanpainaren helburua zen bijiliak egitea Errioxa kaleko klinikaren aurrean, 40 egunez, abortatzeko eskubidearen aurkako otoitzak eta mezuak zabalduz.
Hainbat pertsonak eta kolektibok kanpaina kritikatu du. Indarrean dagoen araudia kanpainak betetzen ote duen aztertuko du Udalak. Udal araudiak ezartzen du espazio publikoan jartzen den publizitatea "inola ere ezin dela iraingarria edo diskriminatzailea izan". Erantzukizuna JC Decaux enpresarena izango litzateke, hiriko markesinetan publizitatea kudeatzen duenarena. Elkarrekin-Podemos taldeak kartelak berehala kentzeko eskatu du, gorrotoa bultzatzen dutela eta publizitateari buruzko legea urratzen dutela argudiatuta.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".