“A”, Arabako familia-upategien ardoa bereiziko duen marka berria
ABRA Arabako Errioxako Upategien Elkarteko upategiek ekoitzitako ardo botilek bereizgarri propioa izango dute uzta honetatik aurrera. Markaren sustapen kanpaina ere egingo dute Araba, Bizkaia eta Gipuzkoako hiriburuetan. Kontsumitzaileei lagundu nahi diete Arabako ardoak eta oinarrian duten ekoizpen eredua bereizten, tokiko kontsumoa bultzatzeko. Arabako ardogintza “azken hamarkadako krisialdirik larriena” pairatzen ari dela salatu zuen ABRAK iraila hasieran.
“Gaur mezu positibo batekin gatoz; norabide argia duen bide berri bat: ABRAko upategi guztiak buru-belarri murgilduko garen proiektu bat”, azaldu dute ABRAko ordezkariek ostegun goizean, Gasteizko merkatuan egin duten prentsaurrekoan. Izan ere, gogoratu dute, aste batzuk lehenago beste agerraldi bat egin zutela elkarteko 80 famili-upategik, “Arabako mahastizaintza eta ardogintza sektorea azken hamarkadatako krisialdirik larriena” nozitzen ari dela salatzeko. Agerraldi hartan iragarri zuten gaur aurkeztuko zutela beren ardoentzako marka bereizgarria.
Urteak dira ardogintzan aldaketa eskatzen duela ABRAk, Errioxa sor-markan agintzen duten upategi eta enpresa handien eredutik aldentzeko. Errioxa sor-markak kantitatea, sektorearen prekarizazioa eta ingurumenaren kaltetzea bultzatzen dituela salatzen dute, Arabako Errioxako famili-upategi eta nekazari txikiak galbidera daramatzana. 2015etik 96 upategi txiki itxi dituzte Arabako Errioxan eta 358 izatetik 262ra pasa dira. 2017an 1,19 eurotan ordaindu zitzaien mahats kiloa nekazariei, eta 2022an 0,71ean. Arabako Mahastiak sor-markak, bitartean, epaitegietan geldirik jarraitzen du. Sektorearen egoera eta ereduen arteko talka azaldu dio berriki ARGIAri ABRAko presidente Itxaso Compañonek, hain zuzen ere.
“A”
“Arabako A, paregabeko ardoen jatorria; ardoaren A, gure upategien arina; eta ABRAren A, eskualdeko mahastizain guztiak batzen dituen ahalegin kolektiboa”. Horrela azaldu dute marka berria, ardoarekin lotutako beste hitz batzuekin ere lotuz, “aroma” edo “azidotasuna” kasu.
“ABRAk esklusiboki erabili ahal izango duen marka bereizgarria izango da, eta Arabako ardoen berezitasuna eta kalitatea nabarmentzea du helburu”. Azpimarratu dute ABRAko kide guztientzako aterpe dela marka berria, elkartearen barruan badirelako adibidez, Errioxa sor-markaren barruan dauden upategiak, zein ez daudenak.
Tokikotasuna bultzatu, kontsumitzailea hezi
Araban, Bizkaian eta Gipuzkoan kontsumitzen den ardoaren %12 soilik da Arabako Errioxakoa. Kontsumitzaileak zail du Arabako eta Errioxako ardoak ezberdintzea, eta gainera Errioxako ardo batzuen izenak (Ardanza edo Ramon Bilbao kasu) nahasmendua areagotzen dute. Hori irauli nahi du ABRAk marka berriarekin.
Marka berriaren helburua “kontsumitzaileak heztea” dela azaldu dute Gasteizko agerraldian, “merkatu globalean hobeto bereiziko dela bermatuz”. Horretarako, batetik, hurrengo uztako ardoen botila guztiek eramango dute bereizgarria etiketan. Bestetik, markaren sustapen kanpaina egingo dute Bilbon, Donostian eta Gasteizen.
Urte hasieran, Saidek Kutxabanken lokal abandonatu bateko giltzak erosi zituen 600 euroan, beste bi lagunekin batera, Gasteizko Judimendi auzoan. Hilabete zeraman kalean bizitzen. Hasiera batean ez zuten arazorik izan, baina lokalera jende berria heldu ahala gatazkak eta... [+]
Gasteizko teilatuetan panel fotovoltaikoak jarriz, hiriak kontsumitzen duen elektrizitatearen % 38 lor daitekeela kalkulatu du EHUko Ekopol ikerketa-taldeak. Beraiek garatu duten zehaztasun handiko metodologia batez erabiliz iritsi dira ondorio horretara.
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]
Trebiñu eta Argantzu udalen Arabarako integrazioa "mugagabean atzeratu ez dadin" galdetzeko mozioa adostu dute EAJk, EH Bilduk, PSEk eta Elkarrekinek.
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.
Gasteizko Arana auzoan Nazioarteko Babeserako Harrera Zentroa birgaitzeko lanak hasi ondoren, bizilagun okupatuak eta kezkatuak garen aldetik eta Euskal Herria benetako harrera- herria izan dadin, berriz ere publikoki posizionatu beharra ikusi dugu. Beste behin ere lengoaia... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]