87 milioi urteko amonite fosil bat aurkitu dute Langraiz Okan
60 bat zentimetroko diametroa duen amonite bat aurkitu du mendizale talde batek Arabako herriaren inguruetan. "Aurkikuntza handia" dela azpimarratu du Arabako Foru Aldundiko Kirol eta Kultura diputatu Ana del Valek.
"Fosilen pasealekua" deitzen diote Langraiz Oka inguruko lekuari, hain zuzen, garai zahar bateko arrastoak topatzea ez delako hain ezohikoa. Aldi honetakoa bai dela ohiz kanpokoa: 60 bat zentimetroko amonite bat aurkitu du mendizale talde batek. Cephalopoda klaseko molusku desagertuen talde zabala da amonitea edo ammonoidea. Iraila hastapenekoa da aurkikuntza eta orduz geroztik Arabako Natura Zientzien Museoaren esku artean egon da, hain justu, fosilari buruzko informazioak biltzeko asmoz. Adituek ondorioztatu dute duela 87 milioi urtekoa dela; Kretazeokoa, hain zuzen.
"Aurkikuntza handia" dela azpimarratu du Arabako Foru Aldundiko Kirol eta Kultura diputatu Ana del Valek:"Zalantzarik gabe, aurkikuntza bikaina da, oso interesgarria, bai publikoarentzat baita zientziarentzat ere".
Arabako Natura Zientzien Museoan egonen da fosila, eta, aurkikuntza horrekin, guzira hiru amonite izanen dituzte ikusgai. Hala ere, hori aitzin, kontserbaziorako beharrezkoak diren ikerketa zientifiko eta zaharberritze lanak egin beharrak ditu Arabako Zaharberritze Zerbitzuak.
Horixe dio behintzat 1992an San Diegotik (AEB) gertu eraikitzen ari zen autobide batean topatutako mastodontearen hezurrek. Hezur horiek animalia hil berritan harriz hautsi izanaren markak dituzte, hezur-muina ateratzeko asmoz. Gainera, alboan ingude eta mailu gisa erabilitako... [+]
Texaseko Unibertsitateko (AEB) ikerlari talde batek gaur egungo hegaztien bokalizazioa aztertu du, haien arbaso dinosauroek egiten zituzten soinuak ondorioztatu nahian. “Emaitzek erakusten dute ahoa itxita bokalizatzeak gutxienez hamasei arkeosaurotaraino eboluzionatu... [+]
Cuckfield (Ingalaterra), 1822. Mary Ann Mantellek hagin handi fosildu bat aurkitu zuen Tilgateko basoan. Aurkikuntzaren berri senarrari eman zionean, hark, Gideon Mantell (1790-1852) geologoak, eremua miatu zuen beste arrasto batzuk aurkitu arte, eta horiek aztertzeari ekin... [+]
1974an haren hezurrak Etiopian aurkitu zituztenetik, Lucy (argazkian) jo izan da gure arbasorik zaharrentzat. Australopithecus afarensis espezieko arrastoek 3,2 milioi urte dituzte. Hogei urte inguruko eta metro eskaseko emakumearen 52 hezur aurkitu zituzten, eskeletoaren %40,... [+]
Jurassic park eleberrian Michael Crichtonek dinosauroen itzulera imajinatu zuen. Eltxo batek odolean garraiatzen zuen ADNaren klonazioari esker musker erraldoiak Lurrean berragertu ziren. Steven Spielbergek eraman zuen zinemara istorioa.
Berriki Proceedings of the Royal... [+]