60tik gora migratzaile aurkitu dituzte kamioi baten barruan AEBetan, horietatik 46 hilik

  • Texasen (AEBak) aurkitu dute kamioia. Kamioitik zetozen oihuak entzuten zirelako ireki zituzten ateak eta hilotz piloa topatu zituzten barruan. Hiru gizon atxilotu dituzte gertakariarekin zerikusia dutelakoan. Susmoa dago biktimak beroagatik eta deshidratazioagatik hil direla.

El Paso, Mexiko eta AEBren arteko muga. Argazkia: Simon Foot; Flickr.

2022ko ekainaren 29an - 09:53

San Antonio hiri estatubatuarrean jazo da ezbeharra ekainaren 27an, Mexikoko mugatik 250 kilometrora. Hipotesi nagusia da kamioia Mexikotik atera zela. Mugatik pertsona-trafikatzaile asko igarotzen direla eta askotan kamioiak erabiltzen dituztela ziurtatu du BBCk. San Antonioko alkate Ron Nirenbergek “giza tragedia” izan dela adierazi du 51 migratzaileen zentzea.

Hildakoak Mexikokoak, Guatemalakoak eta Honduraskoak ziren eta CNNk ziurtatu du 51 gorpuetatik 34 identifikatuak izan direla. The Guardianen arabera migratzaileetako 46 kamioian bertan hil ziren eta beste 5 ospitalean zendu ziren. Hamasei pertsona –horietatik lau umeak– ospitalera eraman zituzten, esna eta kontziente zeudela.

Hiru pertsona atxilotu dituzte gertakarien harira, horietako bat kamioi gidaria. Gidariak kamioia abandonatu egin zuen, oraindik ez dakite zenbat denboraz egon ziren bertan migratzaileak harrapatuta. Hiriko alkate Ron Nirenbergek etorkinak mugaz gaindi eramaten dituzten sareei leporatu die ezbeharraren erantzukizuna eta geroz eta modu organizatuagoan lan egiten dutela salatu du.

BBCk adierazi du San Antonioko klima oso beroa dela udako hilabeteetan, eta ekainaren 27an 39,4 graduko tenperaturak izan zituztela. Uste da beroa eta deshidratazioa izan direla heriotzen eragile.


Kanal honetatik interesatuko zaizu: Migrazioa
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Lotsaren ituna

Duela aste batzuk Bartzelonan batu ginen Mugak Zabalduz karabanaren aurtengo ibilbidea eta helburua zehazteko asmoz. Uztailean Trieste eta Balkanetako mugara joango gara, berriro ere (bederatzigarren edizioa da) Europak sustatzen duen migrazio-politikak sufrimendua eta heriotza... [+]


Materialismo histerikoa
Atzerritar

Eta mugak igarota ere zer, muga azalean geratzen da, eta betirako, etengabe, da atzerritar barruan muga daramana, hain atzerritar, ezen ez duen guztiz pertsona ematen. Ezen hori baino ez dugun ikusten, hemengoa izanik ere bai, askotan, ijitoa bada, adibidez, atzerritarra... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Eguneraketa berriak daude