500 euroko isuna 10 hektarea txikitzeagatik
Lizentziarik gabe 100.000 metro koadroko azaleran zuhaitzak moztu zituen iaz Higertoki enpresak, Jaizkibel-Aiako Harria korridorean egin nahi duen mega-outlet erraldoirako. Hondarribiko Abotsanitz alderdiak azaleratu zuen arau-haustea eta ondorioz isuna jasoko du enpresak, baina isunik txikiena ezarri dio Hondarribiko alkateak (EAJ).
Lege-hauste arintzat jo du gertaturikoa Txomin Sagarzazu alkateak eta lege-hauste arinek 500 eta 5.000 euro bitarteko zigorrak jaso ditzakete. Ahal den eta isunik txikiena jasoko du enpresak: 500 euro. Abotsanitzek argi du “enpresak egindakoa gutxienez 5.000 eta 50.000 euro bitarteko zigorra mereziko lukeen arau-hauste larria dela”. Hala, alkate-dekretuari helegitea jarriko dio, isun handiagoa eskatuz.
Baimenik gabe egindako txikizioaren berri eman zuen joan den urtean Abotsanitzek eta horren harira alkateak onartu behar izan zuen lanak “klandestinoak” zirela. Ondoren, lan horiek legeztatu zituen.
Irregulartasun salaketak hasieratik
Irregulartasun salaketez inguratuta egon da hasieratik Zaldunbordan abiatu nahi duten mega-outlet proiektua eta aurka ditu eskualdeko merkatari txikiak, baita Hondarribiako EAJ ez beste alderdi guztiak.
“Alkateak berriro agerian utzi du Higertokik erabateko askatasuna duela Zaldunbordan nahi duen guztia egiteko (zuhaitz mozketa, eraikin ilegala, errepidea moztu alternatibarik eman gabe...)”, kritikatu du Abotsanitz alderdiak.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]