50 lagun itsasotik erreskatatu dituen barkua konfiskatzeko agindu du Italiako Gobernuak
Mare Jonio barkua konfiskatzeko agindu du Italiako Gobernuak, itsasontzi horrek astelehen honetan 50 lagun erreskatatu ondoren. Italiako bandera dauka barkuak eta Mediterranea Saving Humans proiektuko partaidea da.
Matteo Salvini ultraeskuindarrak gidatzen duen Italiako Barne Ministerioko iturrien arabera, Guardia Di Finanzak (mugak zelatatzeaz arduratzen den polizia) konfiskatu du ontzia eta Lampedusako portu batera eraman du. Iturri berdinek aurreratu dutenez, “datozen orduetan galdeketak hasiko dira Mare Jonio ontziaren tripulazioko kideen aurka”, Mediterranea Saving Humans proiektuaren barruan, barku horrek astelehenean 50 etorkin erreskatatu ostean.
Salvinik Skytg24 telebista kateari esan dionez, etorkinek ez dute “Italian oinik jarriko”. Kontua da, aurreko kasuetan ez bezala, ontziak Italiako bandera daramala oraingoan eta, beraz, Salvinik ezin izan du beste herrialde batzuen erantzukizuna eskatu pertsona horiek birkokatzeko eta herrialdeko portu batera sartzeko baimena eman behar izan du.
Mediterraneoan dagoen zaintza-proiektu honen ontziak 50 pertsona erreskatatu behar izan ditu, tartean 12 adingabe, Libiako kostaldetik 42 miliara.
GKEak azaldu duenez, 50 lagun horiek barku barruan itsaso zabalean egon ziren bi egunez, eta osasun baldintza nahiko egonkorrak eduki ahal izan zituzten arren, oso nekatuta zeuden eta deshidratazio arazoak zituzten.
Sizilian, Agrigentoko Fiskaltzak ikerketa abiatu du erreskate barkuaren aurka, legez kanpoko immigrazioa bultzatzea leporatuta, baina oraingoz ez da inoren kontra zuzendu, Italiako hedabideek jakitera eman dutenez.
Hamar hildako naufragio batean
Bestalde, Libiako Ilargi Gorriak astearte honetan jakinarazi duenez, gutxienez hamar pertsona hil dira, tartean haurdun dagoen emakume bat, Libiako kostaldetik abiatu eta Europako hondartzetara iritsi nahi zutenean.
Iturri berdinen arabera, Libiako Sabratha hiriaren aurrean hondoratu da haien barkua oraindik ezezagunak diren arrazoiengatik. Beste 17 lagun erreskatatu dituzte.
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]