4.826 lagunek eskatu zuten iaz asiloa EAEn
CEAR-Euskaditik jakinarazi dutenez, migratzaileei Europara iristea oztopatzeko estatuek hartzen dituzten neurrien ondorioz, nagusiki hegazkinez iritsitako latinoamerikarrak dira asilo eskatzaile nagusiak: “Krisi humanitarioko egoeretatik ihesean doatoz, edo krimen antolatuaren jazarpenaren ondorioz”.
Gero eta arriskutsuagoak diren bideak
Europako estatuek mugak kanpora ateratzeko hirugarren herrialdeekin egindako akordioek (Maroko eta Libiarekin adibidez) eta Espainiako Estatuko bisen politikak sarbidea zailtzen die iraupen luzeko gatazkak bizi dituzten herrialdeetako migratzaileei (Siria, Yemen edo Palestina), adierazi du CEAR-Euskadiko zuzendari Patricia Bárcenak, “eta gero eta arriskutsuagoak diren bideak hartzera kondenatuta daude”.
“CEAR-Euskadin artatzen ditugun pertsona gehienen profila 18 eta 35 urte bitarteko gazteak dira, ia erdia emakumeak dira, eta beste erdia gizonak”, gaineratu du.
.jpg)
