Bigarren etxebizitzen aurkako borroka gogortuko duela abisatu du Herrian Bizi plataformak bere hitz hartzean: “2024eko urtarrilaren 1etik goiti, ez dugu gehiago onartuko lehen etxebizitzarako izan behar lukeen etxebizitza bat erostea bigarren etxebizitza bat bilakarazteko. Euskal Herrian bizi nahi dutenen kontrako eraso bezala kontsideratuko dugu. Deialdi honekin beraz, saltzaileei baina batez ere bigarren etxebizitza erosi nahi dutenei zuzentzen gatzaie publikoki".
Iaz antolaturiko lehen manifestazioan baino jende gutiago batu bada ere, jendeak erantzun du Herrian Bizi plataformaren deiari: 3.500 lagun batu dira asteburuan Baionan, etxebizitza eskubidearen alde. Bere borroka aitzina eramanen du hainbat eragile batzen dituen plataformak, besteak beste bigarren etxebizitzen aurkako borroka lehentasunetan jarriz: "2024eko urtarrilaren 1etik goiti, ez dugu gehiago onartuko lehen etxebizitzarako izan behar lukeen etxebizitza baten erostea bigarren etxebizitza bilakarazteko. Euskal Herrian bizi nahi dutenen kontrako eraso bezala kontsideratuko dugu. Deialdi honekin beraz, saltzaileei baina batez ere bigarren etxebizitza erosi nahi dutenei zuzentzen gatzaie publikoki. Gure mezua biziki argia da: stop, aski!", zioen Txomin Heguyk plataformaren izenean.
Egun berean Europako beste hirietan ere zituzten mobilizazioak antolaturik, Housing Action Day –Etxebizitzaren aldeko Ekintzen Eguna– ekimenaren kari. Baionako Suprefeturatik abiatu eta Baiona Ttipira iritsi zen manifestazioa, euri erauntsiei aurre eginez.
Herritarrek eraman borrokaz gain, hautetsiei ere inplikazioa eskatu die plataformak: berehalako lege aldaketak eta tresna berriak aldarrikatu dituzte Ipar Euskal Herrian eta orohar edozein lekutan etxebizitza krisiari aurre egiteko. "Ez da dudarik, fatalismo honekin bukatu behar dugu. Etsitu gabe, gure engaiamendu kolektiboa, ez-bortitza eta determinatuarekin segitu behar dugu, tokiko hautetsien partetik ekintza sendoak erdiesteko eta jadanik plantan diren tresnak osoki harrarazteko". Horrez gain, Frantziako Gobernua eta Parlamentua ere interpelatu dituzte manifestazioaren bidez: "Arauzkoak, legezkoak eta juridikoak diren neurriak hartzera bultzatu nahi ditugu. Urrats horiek berehala egin behar dira, azken hamarkadetan beranta handia hartu baitugu", Herrian Bizi-ko Maialen Errotabeheren hitzetan.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]