2.469 milioi euro balio duen Nafarroako AHTko lanetan, aurten 17 milioi gastatu dira
Espainiako Gobernuak aurten dagoeneko 17,3 milioi euro inbertitu du Nafarroako abiadura handiko trenaren azpiegituretan, kopuru oso txikia kontuan hartuta Nafarroako trenbide zatia egiteko gutxieneko gastu aurreikuspena 2.469 milioi eurokoa dela.
Asteazken honetan eman zuen datua Nafarroako Gobernuko Lurralde Kohesiorako sailburu Bernardo Cirizak, Ahal Dugu taldearen eskariz. 2019an Espainiako Gobernuak 19 milioi euro gastatu zuen Nafarroako AHTko lanetan. Badira 30 urte proiektua abiaraziko zela iragarri zenetik, baina oraingoz 14 kilometro besterik ez dira egin Nafarroako trenbideak 243 kilometro dituenean.
Trena Zaragozatik dator Tuterara, ondoren Iruñera eta gero Gasteizera. 2.469 milioi izango lirateke, Euskal Y-aren konexioa Gasteiztik egingo balitz, aurreikusita dagoen moduan. Beste aukera da Ezkiotik egitea, Eusko Jaurlaritzak nahi izan duen gisan, baina horretarako Aralar azpitik joan beharko luke trenak, proiektua askoz garestiagoa eta koplexuagoa litzateke, eta gaurkoz badirudi baztertua dagoela.
Gainerako AHT obra guztiek bezala honek ere gainkostuak ditu eta horrek Nafarroako Gobernuaren aurrekontuei nola eragiten dien galdetu zioten Cirizari; sailburuaren esanetan, ez du eraginik, AHTaren finantzazioa Madrilgo Gobernuarena delako. Hala ere, ez da guztiz egia, kontuan izanda Nafarroak Espainiako Gobernuak egiten dituen gastu guztien %1,6 ordaintzen duela.
Estatuko arduradunek Nafarroako tren lasterraren korridorea egiteko konpromiso sendoa adierazi dute behin eta berriz, baina diru inbertsioek ez dute halakorik adierazten, eta dagoeneko inor ez da ausartzen epeez hitz egitera.
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.