20. Korrikak Otxandiotik Iruñerako bidea egingo du 'Batzuk' leloarekin
2017ko Korrika aurkeztu zen azaroaren 9an Donostian. AEK-k antolaturiko ekintza martxoaren 30etik apirilaren 9ra bitartean ospatuko dute, Otxandiotik Iruñera bidea eginez. Batzuk izango da 20. edizioko leloa. Kultura, hizkuntza eta mundu ezberdinek osatzen duten aniztasuna irudikatu nahi dituzte leloarekin.
37 urte igaro dira Korrikaren lehen edizioa egin zenetik, 1980ko azaroaren 1ean abiatuta, eta 20. honetan Korrikaren sortzaileak omendu nahi dituzte. Korrikaren arduradun Asier Amondok ekintza hasi zenetik “euskalgintzaren, euskal kulturaren eta euskararen erreferentzia” bihurtu dela azpimarratu zuen.
Prentsaurrekoan AEK-ko arduradun Mertxe Mugikak euskal gizartean euskaraz egiteko hautua irmoago dagoela azaldu zuen, baina helduen artean bultzatzen jarraitu behar dela gehituz. Mugikaren esanetan hori da AEKren zeregin nagusia azken urteetan.
Amondok Batzuk leloaren esanahia azaldu zuen: “Hizkuntza, Kultura, Mundu 'bat' sendotzeko bidean, 'zuk' ere bat egin dezakezu, zeuretik, zeure hizkuntza-aberastasuna eta kultur aniztasun unibertsala bizi ditzazun”.
Aurkezpen bideoa egin dute ekimena zabaltzeko:
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.