1936ko biktimen legea onartu du Nafarroako Parlamentuak
Ezkerrak proposatutako testuak 27 boto izan zituen alde, taldeko kidearenak eta Bildu, Aralar-NaBai, PSN eta Geroa Baiko parlamentarienak. PPNko lau kideek kontra bozkatu zuten eta UPNko hemeretziak, berriz, abstenitu egin ziren, batzordean lege proposamenari ezezko biribila eman eta gero.
Honenbestez, 1936ko altxamendu militarraren ondorioz hildakoek eta errepresioa jasan zuten biktimek lege babesa izango dute aurrerantzean.
Parlamentuko bilkurara 1936an fusilatutako 3.400 nafarren senitartekoak batu ziren, 200 lagun inguru, eta txaloka hasi ziren bozketaren emaitza entzun orduko.
“Berandu dator, baina hobe berandu, inoiz ez baino” adierazi zuen Ezkerrako Txema Mauleonek.
Yolanda Barcinari zuzendu zitzaion gero, haren alderdiak erakutsitako jarrera salatzeko: “Erranen dizut ez zaitudala presidente deituko, ez baitzara nafar guztien ordezkari”.
Legearen alde azaldutako talde gehienak pozik agertu ziren. UPNko Javier Caballerok onartu zuen 1936ko biktimei aitorpen morala egitea “duintasun kontua” dela, eta elkartasuna agertu zien parlamentuan bat egin zuten senideei.
Halere, Ezkerrak proposatutako legea batasunaren ondorio ez zela nabarmendu zuen, eta “lege horretatik at utzi nahi izan gaituzte” erantsi. PPNko parlamentari Eloy Villanuevak ere beste horrenbeste esan zuen.
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.