11 lagunek zuzenduko dute Kutxa banku fundazioa

  • Aurrezki kutxa izateari utzi eta banku fundazio bihurtu da Kutxa. Batzar orokorra desagertuta, 11 kideko patronatuak zuzenduko du erakundea.


2014ko urriaren 27an - 00:00
Azken eguneraketa: 2015-02-26 13:37:33
Ostiralean kanpaldia antolatu zuten Kutxaren Donostiako egoitzaren atarian, erakundearen pribatizazioa salatzeko.

BBK eta Vitaleko patronatuak hamabosna lagunek osatuko dituzte. Kutxakoak gutxienez bederatzi kide izan ditzake, eta gehienez hamabost, Bilduk, Donostiako Udalak eta Gipuzkoako Diputazioak ez dituzte hautatu euren ordezkariak; azkenean, 11 kiderekin jarriko da martxan. Organigrama aldaketa grafiko honen bidez azaldu du Jon Fernandez Berriako kazetariak.

Pribatizazioaren aurkako akanpada

Kutxabank “publiko eta soziala” aldarrikatzeko mobilizazioak deitu zituzten hainbat eragilek pasa den ostiralean Donostian, Kutxaren batzar orokorrarekin bat eginez. Batzarra 16:30ean hasi zen, eta aurretik kanpaldia egin zuten hainbat eragilek: etxegabetzeen kontrako mugimenduak, gazte asanbladak, auzo elkarteak, erretiratuak edo IRPHak kaltetutakoak zeuden mobilizatzera deituta, besteak beste.

Protestok zuzenean jarraitu zituzten Axier Lopez eta Lander Arbelaitz ARGIAko kazetariak. Besteak beste, Sortuko kide Joseba Permachen hitzak jaso zituzten. "Jadanik hasi behar dugu Kutxabanken alternatiba eraikitzen", dio erakundearen pribatizazio prozesuaz kexu den Permachek.

Kutxabank, kaudimen mailarik altuena duen Espainiako Estatuko erakundea, EBZren arabera

Europako Banku Zentralak egindako ebaluazioaren arabera, Euskal Herrian egoitza duten Kutxabankek eta BBVAk bideragarritasun azterketa gainditu dute. Emaitzek erakusten dutenez, Kutxabank da Espainiako Estatuan azterketa egin zaien 15 finantza erakundeetan bidegarriena.

Informazio gehiago:

Kutxabanken pribatizazioaren aurkako kanpaldia, ARGIAren bideoan:

Kanpaldiaren irudiak bildu dituen Kutxabank: lapurreta baten kronika bideoa, EH Bilduk sareratua:


Kanal honetatik interesatuko zaizu: Kutxa
2021-10-29 | ARGIA
Zientzia Museoa, Ekogunea eta Arotz Enea itxiko ditu Kutxa Fundazioak

Hiru erreferentzia gune garrantzitsu dira Gipuzkoan eta, fundazioak jakinarazi duenez, haietan egiten diren jarduerak Donostiako Tabakaleran dagoeneko duten 5.600 metro koadroko espaziora eramango dituzte. 2001ean ireki zen Zientzia Museoa 2023an itxiko da.


Euskaltelek Xabier Iturbe izendatu du presidente, Kutxabanken pribatizazioan rol garrantzitsua izan zuena

Iturbe Kutxa enpresa gipuzkoarreko lehendakaria zen, Kutxabank pribatizatu zenean. Finantza zuzendaria izan da Euskaltelen, eta azken urteetan Kutxabankeko presidenteorde lanetan aritu da.


2018-10-31 | ARGIA
EH Bildu Kutxaren patronatuan sartuko da, banku fundazioa sortu zenean uko egin ostean

Koalizio abertzaleak lau ordezkari izango ditu Kutxaren patronatuan, Gipuzkoako Batzar Nagusietan daukan ordezkaritzari dagozkionak. Hamabi eserleku ditu Kutxaren patronatuak eta Elkarrekin Podemosek ere ordezkari bat proposatu du, Kutxaren gobernu-organoa berritzera doan... [+]


Kutxak ez ditu bere gastuak ordaindu Tabakaleran ia bi urtez, EH Bilduren arabera

Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.


Nola bihurtu ekosistema oraingoz puzzlea dena

Pasa dira gaizkiulertuak, murrizketak, dimisioak, paralisia, obrak eta beste hainbat gorabehera: aste honetan zabalduko ditu ateak Donostiako Tabakalerak, kulturgune dinamiko izateko asmoz. Ontzia edukiz beteko duten erakundeen aukerak aztertu ditugu.


Eguneraketa berriak daude