Protesta artean ekin diote Kutxa banku fundazio bihurtzeko batzarrari

  • Kutxabank “publiko eta soziala” aldarrikatzeko mobilizazioak deitu dituzte hainbat eragilek ostiral honetarako.


2014ko urriaren 24an - 00:00
Azken eguneraketa: 2015-02-26 13:37:33
Kanpaldia antolatu dute Kutxaren Donostiako egoitzaren atarian.

Donostian egin dute deialdia, Andia kalean, Kutxaren batzar orokorrarekin bat eginez. Izan ere, ostiralean bozkatuko dute Kutxa banku fundazio bihurtuko den ala ez –Kutxa 15 patronoren esku geratuko litzateke erabakia aurrera ateratzen bada–.

Batzarra 16:30ean hasi den arren, aurretik, 11:00etan, kanpaldia egin dute hainbat eragilek: etxegabetzeen kontrako mugimenduak, gazte asanbladak, auzo elkarteak, erretiratuak edo IRPHak kaltetutakoak zeuden mobilizatzera deituta, besteak beste.

Protestok bertatik bertara jarraitzen ari dira Axier Lopez eta Lander Arbelaitz ARGIAko kazetariak. #KutxabankPublikoa etiketan ere mugimendu handia izaten ari da egun osoan.

Sindikatuak eta Aldundia ere kontra

Herri mugimenduez gain, Gipuzkoako Foru Aldundiak eta ELA eta LAB sindikatuek ere adierazi dute hartuko den neurriaren kontra daudela.

Info7 irratiari eskainitako elkarrizketan, Ainhoa Etxaide LABeko idazkari nagusiak adierazi du “operazio tekniko” gisa aurkeztu dutela Kutxabanken pribatizazioa.

Batzarrera sartu baino lehen Ainhoa Beola EH Bilduko ordezkariak honako adierazpenak egin ditu.


Irakurrienak
Matomo erabiliz
Azoka
Kanal honetatik interesatuko zaizu: Kutxa
2021-10-29 | ARGIA
Zientzia Museoa, Ekogunea eta Arotz Enea itxiko ditu Kutxa Fundazioak

Hiru erreferentzia gune garrantzitsu dira Gipuzkoan eta, fundazioak jakinarazi duenez, haietan egiten diren jarduerak Donostiako Tabakaleran dagoeneko duten 5.600 metro koadroko espaziora eramango dituzte. 2001ean ireki zen Zientzia Museoa 2023an itxiko da.


Euskaltelek Xabier Iturbe izendatu du presidente, Kutxabanken pribatizazioan rol garrantzitsua izan zuena

Iturbe Kutxa enpresa gipuzkoarreko lehendakaria zen, Kutxabank pribatizatu zenean. Finantza zuzendaria izan da Euskaltelen, eta azken urteetan Kutxabankeko presidenteorde lanetan aritu da.


2018-10-31 | ARGIA
EH Bildu Kutxaren patronatuan sartuko da, banku fundazioa sortu zenean uko egin ostean

Koalizio abertzaleak lau ordezkari izango ditu Kutxaren patronatuan, Gipuzkoako Batzar Nagusietan daukan ordezkaritzari dagozkionak. Hamabi eserleku ditu Kutxaren patronatuak eta Elkarrekin Podemosek ere ordezkari bat proposatu du, Kutxaren gobernu-organoa berritzera doan... [+]


Kutxak ez ditu bere gastuak ordaindu Tabakaleran ia bi urtez, EH Bilduren arabera

Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.


Nola bihurtu ekosistema oraingoz puzzlea dena

Pasa dira gaizkiulertuak, murrizketak, dimisioak, paralisia, obrak eta beste hainbat gorabehera: aste honetan zabalduko ditu ateak Donostiako Tabakalerak, kulturgune dinamiko izateko asmoz. Ontzia edukiz beteko duten erakundeen aukerak aztertu ditugu.


Eguneraketa berriak daude