Afrikar Batasunak deitutako laguntza-emaileen konferentziak 380 milioi dolar (264 milioi euro) bildu ditu, baina Nazio Batuen Erakundearen arabera, 1400 milioi dolar (974 milioi euro) behar dira Afrikako Adarreko herrialdeak larrialdi egoeratik ateratzeko. 13 milioi pertsona baino gehiago daude goseak aipatu zonaldean, 60 urtean egon den lehorterik gogorrena jasaten ari direnean. Afrikar Batasuneko batzordeko presidente Jean Ping-ek adierazi duenez, "351,7 milioi dolar dirutan emango dira, eta 28,8 milioi elikagaietan".
Hasieran batzarra lehenago egitekoak baziren ere, atzeratu egin zuten abuztuaren 9tik 25ra, baliabide eta agintari gehiago biltzeko xedez. Hala ere, uste baino agintari eta baliabide gutxiago biltzea lortu dute, Etiopia, Ekuatore Ginea, Somalia eta Djibutiko agintariak soilik egon baitira bileran.
Afrikar Batasunaren inguruko iturriek jakinarazi dutenez, Afrikako Garapen Bankuak datozen bost urteetarako 300 milioi euro agindu ditu. Argelia eta Hegoafrikak 10 milioina emango dituzte diru eta espezietan, Egiptok 6 milioi, Nigeriak 2 milioi eta Hego Sudango Errepublika jaio berriak milioi bat emango du.
Hainbat adituk zalantzan jarri dute Afrikar Batasunaren eraginkortasuna, eta adierazi dute ez zutela askoz gehiago espero, batez ere per capita errentarik handiena duen Afrikako herrialdea falta delako, Libia, alegia.
Beste aditu batzuek, gaur egungo gertaerez haratago, 1970eko hamarkadari egiten diote so, Somalia elikadurari zegokionez buruaskia zen garaiari, hain zuzen. Garai hartako egoeratik gaur egungo egoerara iristeko azken 40 urteetan zer gertatu den aztertuz.
Gosetearen eragile nagusia al da lehortea?
Esther Vivas kazetariak uztailaren 30ean El País-en idatzitako analisian, 70eko hamarkadako egoeratik gaur egungora iristearen arrazoiak jarri ditu mahai gainean. Pasarte batzuk euskaratu ditugu:
"Gaur egun 12.000 milioi pertsona elikatzeko adina produzitzen da, munduan 7.000 milioi pertsona daudenean (...) Gosearen kausa politikoa da. Nork kontrolatzen ditu errekurtso naturalak? Nori egiten diote mesede nekazal- eta elikadura-politikek? Elikagaiak merkantzia bilakatu dira, eta beren funtzio nagusia [elikatzea], bigarren mailan geratu da".
"Gosetearen eragile nagusia lehortea dela esaten da, baina nola azaldu orduan Amerikako Estatu Batuek eta Australiak jasaten dituzten lehorteekin goseterik ez egotea lurralde horietan? Baliabide naturalen kontrolean dago gakoa".
"Somalia lurralde buruaskia izan zen 70eko hamarkadara arte elikadurari dagokionez. (...) 80ko hamarkadatik aurrera, Nazioarteko Moneta Fondoak eta Munduko Bankuak kanpo zorra ordiantzeko ezarritako politikek kontuak egitera behartu zituen. Nekazaritzari dagokionez, merkatua liberalizatu zen, atzerriko multinazionalei ateak irekiz. Hauek produktu subentzionatuak saltzen zituzten, bertako produkzioari konpetentzia ez-leiala eginez. Monokultiboen politikak bultzatu ziren, eta lurrak alde batera uztea ekarri zuen horrek".
"Oinarrizko zerealen prezioa igotzea da Afrikako Adarreko gosetearen eragileetako bat. (...) Elikagaien prezioa Burtsan erabakitzen da. Nekazaritza sektoreko inbertsioaren %75ak izaera espekulatiboa duela kalkulatzen da"
"Elikagaien produkzioa hirukoiztu egin da 60eko hamarkadatik, eta munduko biztanleria bikoiztu. Arazoa ez da janariaren produkzioa, irisgarritasuna baizik".
- Beste artikulu interesgarri bat Tercer Mundo Económico webgunean (1996ko testua da baina gaur egun ere aplikagarria).
Somaliako piratak, osatu gabeko istorioa [bideoa]
Zeintzuk dira piratak? Komunikabideek pirata moduan aurkezten dizkigutenak ala beste herrialde batzuetan hango aberastasuna gupida barik ustiatzen dutenak, behin eta berriro? Arrantzatik bizitzeko zer aukera geratzen zaie somaliarrei? Militarizazioa al da aterabidea? Telebistan eskeintzen diguten azaleko informazio mugatutik aparte, zer dakigu Afrikako zonalde horri buruz? Galdera horiei erantzuten die ARGIAk egindako bideo honek:
Bai, aste honetan Chill Mafiak agur esan du eta zer eta musean jokatzen. Mus Corrido kantuan, metaforak hegan. Hordago batzuk bai bota dituela taldeak iraundako hiru urteotan. Jaso gabeko enbidorik geratuko zen bidean, jakina, baina momentuz, nahiko; jaso... [+]
Urduritasunaren alarmak mugikorrekoak baino ordubete lehenago jota hasi da niretzat Donostiako 72. Zinemaldia, edo halabeharrak edo oparitu didan rol honetan. Goiz gosaldu eta akreditazioaren bila joan ostean, Victoria Eugenia antzokira hurbildu naiz 9:00etarako saiora, Emilia... [+]
Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]
Aurtengo Euskarabildua topaketa teknologikoa (iAmetzak antolatzen duena urtero) urriaren 17an izango da Donostian, San Telmo Museoan. "Artifiziala ez den teknologia" jarri diote goiburu gisa, adimen artifizialaren oldarraldi garai honetan "inoiz baino... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Azken aukera asteburu honetan 'Inexa de Gaxen' pastorala ikusteko.
Internet hasieran askatasunaren espazio izan zen, baina gaur egun enpresa handien esku dagoen lurralde kontrolatu bihurtu da. Testuinguru honetan, teknologia burujabetza eta ongizate komuna lortzeko Internet berreskuratzeko beharra gero eta premiazkoagoa da. Egile eta aktibista... [+]