Pintxo-poteari buruzko spotak euskaraz
Euspot, euskarazko spot lehiaketak, hirugarren edizioa egingo du aurten. Ondoko gaia landu beharko dute iragarki sortzaileek:
“Pintxo-potea eta euskara”. Euskal Herriko edozein herritarrek, eta irizpide batzuk betez gero atzerriko batzuek ere, parte hartu dezakete Euspoten. Maiatzaren 9ra arte dago lanak bidaltzeko aukera. Lehiaketak 2.250 euro banatuko ditu irabazleen artean. Lau sari izango dira. Spot onenak 1.000 euro jasoko ditu, Mondragon Unibertsitateko ikasleen spot onenak 500 euro, Publikoaren sariak beste 500 euro eta Gazteen sariak (18 urtetik beherakoak) 250 euro. Antolatzaileak Aretxabaletako Udala, Mondragon Unibertsitatea eta Arteman Komunikazioa dira. Aurreko bi ekitaldietan arrakasta izan zuen Spotek. Iaz adibidez 22 lan jaso zituzten.
"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Gasteiz Antzokia "lehenbailehen" martxan jartzeko eskatu dio udalari Gasteiz Antzokiaren Aldeko Plataformak, eta Lazarraga elkartearentzat zein euskalgintzarentzat "errespetua" galdegin dute.
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.