«Showa eta komedia era armonikoan nahastea zaila izan da»

1993ko urtarrilaren 17an

"Flamingo Berria" saioko gidoilaria den Ramon Bareari elkarrizketa
Ramon Barea:
«Showa eta komedia era armonikoan nahastea zaila izan da»
Urtarrilaren 15ean saio berri bat ikusi ahal izango dugu ETBn, «Flamingo berria» izenekoa. Bertan, diskoteka batetako pertsonaiei gertatzen zaizkienak agertzen dira era umoretsu batean eta antzerki munduko pertsona ezagunekin Gidoilari moduan aritu da beste hiru lagunekin batera Ramon Barea.
ARGIA. Nondik sortu zen saio hau egiteko idea?
RAMON BAREA. Saioa egitearen ideia K-2000 produktoran sortu zen eta nik gidoilari taldearen koordinatzaile lana egin dut eta baita aktore eta bestelakoen zuzendaritza artistikoa. Hau egitea eskaini zidaten eta gustoko dudanez, oso gustora hartu nuen.
A. Zeini zuzendua dago saio berri hau?
R.B. Familia osoari zuzendua dagoela iruditzen zait, ez du ikuslego jakin bat. Edozein moduko pertsonengana iristeko pentsatua dago, ez dago espreski nekazal giroko pertsonei zuzendua ezta hiriko jendeari ere. Hau da behintzat saioaren diseinuaren ideia.
A. Saio honen erakargarritasuna non egon daitekeela uste duzu?
R.B. Erakargarritasuna saio dibertigarri eta atsegina izatean datza. Dibertigarria baina egungo gaiak ikutzea. Show bat da, baina dramatikotasunez bilduta. Egiten diren ekitaldi musikalak eta bestelakoak guztia istorio batekin lotuak daude.
A. Estiloan «Bi eta bat» saioen antzekoa dela uste al duzu?
R.B. «Bi eta bat» antzerkiari zuzenago lotua dago, askoz ere garbiagoa da. «Flamingo berria» formula berri bat da. «Hau da A.U.» eta antzekoekin parekatu izan da, baina garatuagoa dagoela uste dut. «Bi eta bat»ekin antzekotasuna eguneroko gauzak kontatzean datza. Baina gurea ez da telebistako antzezlan garbia.
A. Zein izan da aurkitu duzuen ostoporik nagusiena?
R.B. Zailena era armoniko batean show bat eta komedia bat nahastea izan da. Gehiengoarentzat umeroa sortzea ere zaila izan da, erreza ez den umorea, baizik eta umore sinple eta baita kritikoarekin ere dibertitzen den jendearengana iristea. Koktel hau egitea da zailena.
A. Saio honetan, Panpi Ladutxe abeslari bezala ikusteko aukera izango dugu. Nola sartu zen honetan?
R.B. Oso berezia izango da. Lehenengo saioan bere kantak abestuko baditu ere, ondorengoetan oso abesti ezagunak abestuko ditu. Oso xelebrea izango da Panpi Juan Luis Guerra edo Luis Marianoren kantak abesten ikustea. Asko pentsatu ondoren Panpiri proposatzea bururatu zitzaigun, eskaini genion eta baietz esan zigun.
AITZIBER YARZA
Aitziber Yarza
79

GaiezKomunikabidTelebistaETBGidoigileak
PertsonaiazBAREA1
EgileezYARZA1Komunikabid

Irakurrienak

Matomo erabiliz

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Bizkaia: EAJren gotorlekua kolokan?

Jon Azkune Torres

Ez da zapalkuntza? Orduan, asimilazioa

Ane Ablanedo Larrion

Pribatura noa

Josune Azurmendi

Gipuzkoa: Biren arteko jokoa

Iker Iraola Arretxe

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude