Zein paper jokatzen ari da Donald Tusk Katalunia-Espainia gatazkan?

  • Carles Puigdemont Kataluniako legebiltzarrean azaldu baino ordu gutxi lehenago, Europar Kontseiluaren buru Donald Tusk poloniarrak Europako Eskualdeen batzordearen goi mailako bileran hitzez aipatu zuen Kataluniakoa, mezu bana bidaliz Rajoyri eta Puigdemonti. Gaur asko aipatzen da Tusken papera eta bere keinuaren garrantziaz bezala mesederik handiena nori egiten dion kalkuluak ere bat baino gehiago dira.

Pello Zubiria Kamino @pellozubiria
2017ko urriaren 11
Donald Tusk kaxubiarra Poloniako lehen ministro izan zen eta gaur Europar Kontseiluaren lehendakari da.

Tuskek Europako Eskualdeen batzordearen goi mailako bileraren hasieran, solemnitate osoz hau esan zuen hitzez hitz:

“Zuen eztabaida hasi aurretik, Kataluniarentzako eta Espainia osoarentzako hain garrantzizkoa den une  honetan, zuen aurrean mezu bat bidali nahi diot Kataluniako Generalitateko lehendakari Carles Puiddemont jaunari bere agerraldirako gutxi falta denean. Zuri mintzo natzaizau ez soilik Europar Kontseiluaren lehendakari naizen aldetik, baina baita ere Europar Batasunaren ‘United in diversity’ leloan benetan sinesten dudan norbait naizen aldetik, gutxiengo etniko baten kide eta erregionalista, poliziaren borrak kolpatua izatean zer sentitzen den badakien pertsona bat. Eta Europako herrialde handi baten lehen ministro ohi naizen aldetik ere bai. Laburbilduz, bi aldeen argudio eta emozioak ulertzen eta sentitzen dituen norbait naizenez.

Duela egun gutxi Rajoy lehen ministroari eskatu nion saiatzeko arazoa bortizkeriarik gabe konpontzen ahalegintzeko. Ahalegintzeko elkarrizketan. Zeren eta argudioen indarrak beti baita hobea indarraren argudioa baino. Gaur zuri eskatzen dizut zure ahaleginetan errespetatzeko ordena konstituzionala eta ez iragartzeko erabaki bat elkarrizketa hori ezinezko bihurtuko lukeena. Aniztasunak ez luke, eta ez du, eraman behar Kataluniarentzako, Espainiarentzako eta Europa osoarentzako txarra litzatekeen gatazka batera. Bila dezagun beti elkartzen gaituena eta ez banatzen gaituena. Horrek erabakiko du gure kontinentearen etorkizuna”.

Carles Puigdemontek arratsaldeko 18:00etan eskatu zuenean batzarraren hasiera ordu betez atzeratzeko, espekulazioen artean bi arrazoi aipatu ziren: batetik CUPekiko azken orduko eztabaidak eta bestetik Donald Tusken bitartekaritza eskaintza. Honek idazkariak Twitterez zabaldu zuen ez zela egia Tuskek Puigdemonti deitu zionik telefonoz, ez gutxiago baina ezta gehiago ere.

Gaur asko aipatzen da Tusken papera eta bere keinuaren garrantziaz bezala mesederik handiena nori egiten dion kalkuluak ere bat baino gehiago dira, esaterako El Economistan Jorge Valerok egiten duena edo Vanguardian Enric Julianak publikatua.

Xehetasun bezala, nazionalitatez poloniarra den Tuskek aipatzen du gutxiengo etniko baten kide dela. Kaxubiarra da Tusk. Askoz gutxiago diren arren kaxubieraz mintzo direnak, batzuek 500.000 herritarretaraino ugaritzen dituzte minoria horretako biztanleak. Günter Grass idazleak ere jatorri kaxubiarra omen zuen.

Gaur goizaldean Vilawebek zabaldu du Tusk berehala bidaiatzekoa dela Paris eta Berlinera Katalunia-Espainia gatazkaz hitz egitera Emmanuel Macron eta Angela Merkelekin. Laster ikusiko da Tusken ahaleginaren eta ahalmenaren neurria.

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2018-02-21 | ARGIA
Espainiarentzat zaila izango da Anna Gabriel Suitzatik estraditatzea

Anna Gabriel CUPeko kideak Espainiako Auzitegi Gorenean ez aurkeztea eta Genevan (Suitza) geratzea erabaki ondoren, Espainiako medioak haren balizko estradizioari begira jarri dira. Baina, aukera horren alde agertzen diren hedabideek ere, ez dauzkate gauzak argi.


2018-02-20 | ARGIA
Anna Gabrielek salatu du jazarria dela Espainian eta ez dela Auzitegi Gorenean aurkeztuko

CUPeko kideak Suitzako egunkari batean adierazi du ez dela Madrilera joango uste duelako han ez duela epaiketa justurik izango.


2018-02-19 | ARGIA
Rovira eta Pascal libre, lehena 60.000 euroko fidandatzekin

60.000 euroko fidantza jarri dio Pablo Llarena Auzitegi Nagusiko epaileak eta libre utzi du ERCko idazkari nagusia. Urriaren 1eko antolaketaren goi mailako taldean egotea leporatu dio. Marta Pascal PdCATeko buruzagia libre utzi baldintzarik gabe.


Kataluniako prozesuaren erantzuleetako bat izatea leporatu diote Mediaproren sortzaileari

Jaume Roures Mediapro komunikazio taldearen sortzaileak Madrilgo Auzitegi Nagusian deklaratu beharko du, Kataluniako prozesua zuzentzen duen “batzorde buruaren” parte izatea egotzita. Urriaren 1eko erreferendumaren erantzuleak deklaratzera eramango dituen auzi berean sartu du Guardia Zibilak.


2018-02-14 | ARGIA
Mireia Boya CUPeko kidea aske geratu da, kautelazko neurririk gabe

Asteazken goizean deklaratu du Espainiako Auzitegi Gorenean Mireia Boya CUPeko kide eta diputatu ohiak. Matxinada eta sedizio delituak leporatzen zizkioten, baina deklaratu ostean aske geratu da kautelazko neurririk gabe.


Oscar Escuder, Plataforma per la Llengua-ko lehendakaria
"Espainia ez da aldatuko eta katalan hiztunok anomalia izateari utzi nahi diogu"

Plataforma per la Llengua elkarteak mende laurdena betea du.14.000 bazkide ditu eta katalan hiztunen eskubideak babestea du helburu. Ez dira hamar urte elkartea estatu propioa eskatzen hasi zela. Oso sinple azaldu digu zergatia Oscar Escuder elkarteko lehendakariak: Espainiako Estatuko legeen arabera, katalan hiztunak errespetatu beharko lirateke. Praktikan hala ez denez, hiztunen eskubideak babestuko dituen estatua sortzea proposatzen dute.


Hitza eta erabakia etxean gatibu

Politikan ez da gauza politikan zioen Lazkao Txikik. Seguruena katalan independentistek arrazoia emango liokete urtarrilaren 30ean Parlamentuaren inguruan bizi izandakoa eta gero. Beste behin ere, kupula politiko batek erabaki zuen gehiengoak boz bidez presidente hautatukoa baztertzea.


Fauna publikoa
Felipe Gonzalez, ongiaz eta gaizkiaz haraindi

Zinismo hitzaren definizioaren ondoan Felipe Gonzalezen esaldi hau agertuko da, noizbait, hiztegiren batean. Denbora kontua da.


2018-02-05 | ARGIA
Hautetsien Batzarrak Bruselan bertan Puigdemont lehendakari berrestea ari dira negoziatzen

Asteburuan Carles Puigdemont ERCko ordezkariekin bildu ostean, badirudi Kataluniako prozesuak bizi duen oraingo korapiloa askatzeko irtenbidea adostu dutela, bertako zenbait hedabidek zabaldu dutenez.


2018-01-31 | Andoni Mikelarena
Inplosio arriskua independentisten artean, inbestidura saioa atzeratu ostean

ERCk “aldebakarreko” erabakia hartu zuen inbestidura saioa atzeratzeko. JxCAT eta CUPi ez zaie gustatu errepublikanoen erabakia eta azken asteetan ezkutuan eraman dituzten eztabaidak azaleratu dira.


Eguneraketa berriak daude