Urriaren 10 eta 11n Alternatiba dinamika Donibane Garazira helduko da
“Krisi ekonomiko, ekologiko eta sozialaren” aurrean irtenbideak aurkezteko xedearekin, Alternatiba Garazi herrixka alternatiboa egingo dute urriaren 10 eta 11n. Bertan izanen da Susan George analista politiko eta filosofoa, egungo gizarte ereduaren aurkako borrokagatik ezaguna.
Urriaren 10ean, arratsaldeko zortzietan, Georgek "Sistema alda dezagun eta ez klima" hitzaldia emanen du Noël Mamèrerekin batera. Ondoren, urriaren 11n, publikoari informazio gune desberdinak eskainiko zaizkio. Besteak beste, ur-energia, eko-eraikuntza, garraioa, turismoa, haurdunaldia, haurrak eta heziketa, elkartasuna eta partekatzea eta kontsumo arduratsua bezalako gaiak jorratuko dira.
Gainera, 9:30etatik aurrera jendeak tokiko ekoizpenen merkatuan erosketak egiteko aukera izanen du. Bertan, etxeko ekoizpenak, biologikoak eta bidezko merkataritzan oinarriturikoak aurkitu ahalko dituzte. Eguna hitzaldiek, tailerrek eta haurrentzako jokoek osatuko dute.
COP21 konferentziari begira sortua
Alternatiba dinamika 2013ko urrian abiatu zen, aurtengo abenduan aldaketa klimatikoaren inguruan Nazio Batuen Erakundeak eginen duen COP21 konferentziaren karietara. Dinamikaren helburua buruzagiak klimaren inguruan nazioarteko akordio “sendo eta zuzen” baten beharraz ohartaraztea da. Alternatibatik adierazi dutenez, ekimen honekin ingurumenarentzat irtenbideak martxan jar daitezkeela frogatu nahiko lukete, eta, era berean, justizia sozialaren eta klimaren artean “zubiak eraiki”.
Gaur egun jada ehun Alternatiba baino gehiago daude antolaturik Europan. Euskal Herrian hurrengoa Bilbon eginen da, urriaren 24an.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]