UEMAk erakundea sendotzea du helburu 25. urteurrenean

  • Egun 73 udalek osatzen dute UEMA, eta aurreratu dutenez, urtea amaitzerako 80tik gora izango dira.

Eņaut Agirrebengoa Apaolaza @eagirrebeng
2016ko urtarrilaren 25a
UEMAko zuzendaritzako kideak, Zarautzen egindako agerraldian.

Zarautzen eginiko Batzar Nagusian 2016rako lan ildoak eta helburuak  finakatu ditu Udalerri Euskaldunen Mankomunitateak (UEMA). Aurten mende laurdena betetzen du proiektuak, eta urteurrena erakundea sendotzeko baliatu nahi dute. UEMAko lehendakari Josu Labakak iragarri duenez, 2016a amaitzerako 80 udal baino gehiago izango dira mankomunitatearen barruan. Batzar Nagusian bertan Ea sartzea onartu dute.

Labakak iragarri duenez, urtean zehar hainbat ekimen egingo dira urtemugaren karietara. Hauei buruzko xehetasun gehiago udaberrirako emango dituzte. Dena den, data bat gorriz markatu dute: maiatzaren 28a. Egun horretan Leitzan Udalerri Euskaldunen Eguna ospatuko dute, egitarau zabal batekin.

Horretaz landa, Josu Labakak adierazi du udalerrien erabateko euskalduntzea lortu asmoz udalak euskalduntzeko lanean jarraituko dutela. Azaldu du udalerriak euskalduntzeko beharrezko lan-ildoei erreparatuko dietela bereziki. “Ildo horretan, herritarren sentsibilizazioan eta ahalduntzean eragiteko ekimenak sendotuko ditugu udaletan, eta arreta bereziz eragiten ahaleginduko gara hezkuntzan eta komunikazioan”.  

Eragin Linguistikoa Ebaluatzeko tresna garatzeko ere lan egingo du aurten UEMAk, “udalerri euskaldunak areago erdalduntzeko arriskuari aurrea hartzeko”. Izan ere, Labakak azaldu du aurrera egiten den bezala, atzera ere egin daitekeela.

“Kolore ezberdinetako” udalak espero dituzte kide berrien artean

Labakaren esanetan, agintaldi berriari zalantzaz beterik ekin zioten, ez baitzekiten nor sartu eta nor irtengo zen UEMAtik. Horrela, azaldu du azken hilabeteetan sentsibilitate desberdineko kideak elkarrekin eseri eta lehentasun komunak finkatzen aritu direla. Kide berrien artean “kolore ezberdinetako” udalak espero dituztela gaineratu du. Gaur egun mankomunitatean EH Bilduk, EAJk zein talde independenteek gobernaturiko udalak daude.

Kanal honetan artxibatua: UEMA

UEMA kanaletik interesatuko zaizu...
Eta zuk, bisitari, ba al dakizu hemen euskaraz egiten dela?

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.


2018-03-13 | Bizkaie
Arantzazu UEMAko kide izango da

Udalerri Euskaldunen Mankomunitateko 86. udalerria izango da.


Errezilen eta Alegian etxe berriak
Eraikitzen hasi aurretik euskararen hauskortasuna neurtu dute

“Errezilen etxe gehiago egingo direla, eta zer? Euskara ahultzeko beldurra? Baina gu beti izan gara euskaldunak eta hala izaten jarraituko dugu”. Ez dugu errezildarraren ahotik entzun esaldi borobil hori, baina izan zitekeen, halakoxea baita aldartea biztanle berriak etorriko badira ere euskal komunitatea arriskuan ikusten ez denean. ARGIAk Xebero Agirretxe herriko alkatearekin, Nekane Zinkunegi zinegotziarekin eta Arritxu Zelaia hizkuntza aholkulariarekin hitz egin du. Hirigintza... [+]


2017-10-06 | ARGIA
Zergatik egiten dute euskaraz gutxiago bermeotarrek ondarroarrek baino?

Ondarroan euskararen ezagutza %79koa da eta erabilera ere bai. Bermeon ezagutza %72koa da eta erabilera %33koa. UEMAk ikerketa sakona egin du askotariko faktoreak lantzeko.


2017-09-08 | ARGIA
Udalerri euskaldunetako gazteek Orion ezagutuko dute elkar

UEMAk Salto! Gazte Topaketak antolatu ditu. Euskaraz bizi diren gazteak euskararen inguruan kontzientziatzea eta besteengan eragitea lortzea da helburua.


2017-07-06 | ARGIA
Euskara eta turismoa lotzeko ekimenak landu dituzte Oriok, Zumaiak, Azpeitiak eta Nafarroako Gobernuak

UEMAren ustez Nafarroako Turismo Planak euskara kultur ondare garrantzitsutzat hartu izana aitzindaria da.


2017-07-02 | Ainhoa Bretos
Oņatiko ikasleak galdezka:
Zergatik du hizkuntza batek beste batek baino botere handiagoa?

Udalak euskalduntzen ari diren arren, udalerriak erdalduntzen ari direla adierazi du UEMA Udalerri Euskaldunen Mankomunitateak. Horren aurrean, herritarren kontzientziazioa eta sentsibilizazioa lantzeko hezkuntza proiektua jarri du martxan UEMA osatzen duten herrietako ikastetxe guztietan. Oñatiko Txantxiku Ikastolan eta Elkar Hezi Ikastetxean izan da ARGIA.


2017-06-23 | ARGIA
EAEko Auzitegi Nagusiak Gipuzkoako Foru Aldundiaren Euskara Planaren aurkako epaia eman du

Bost artikulu baliogabetu ditu, besteak beste, kontratazio administratiboarena eta diru-laguntza jasotzaileen betekizunena. Foru Aldundiak epaia errekurrituko du.


Azpeitibizi egitasmoa
Nola bultzatu turismoa herri nortasuna eta euskara kaltetu gabe

Azpeitiko Udalak www.azpeitibizi.eus webgunea zabaldu berri du. Herrira turismoa erakartzeko tresna da, luzea izan nahi duen prozesuaren abiapuntua baino ez. Ondoko gogoeta egin du Udalak: lehentasuna ekonomia sustatzea da, eta turismoa horretarako bideetako bat. Turismoa indartzeak ordea, nola eragingo du udalerri euskaldunean? Nola ekarri bisitariak herri nortasuna galdu gabe?


Eguneraketa berriak daude