Donostiako turismo eredua salatzen ari ziren Alde Zaharreko bizilagunen aurka egin du Udaltzaingoak
Turismoaren sektoreak egungo eredua defendatzeko agerraldia egin behar zuela eta protesta egin dute Alde Zaharreko bizilagunek. Pankartako leloa: "Turismoaren patronalak ez gaitu ordezkatzen". Tentsioa izan da udaltzain eta ertzainekin eta hainbat kolpe banatu dute hauek, pertsona bati mugikorra kendu ostean.
San Telmo Museoan jarritako pankarta baten harira, tentsioa igo egin da kontzentrazioan. Pankarta kendu ostean, udaltzainak grabatu ditu Alde Zaharreko bizilagun batek. Udaltzainek ezin zuela grabatu esan eta mugikorra kendu diote. Autoan sartu direnean berau eramateko, kontzentrazioan zeuden gainontzeko kideak autoaren aurrean jarri dira telefonoa itzultzeko exijituz.
Ez da ohikoa Udaltzaingoak sakelako telefonoa kentzea, horrek protesta areagotu du. Turismo industriaren agerraldia zaintzera joandako ertzainak ere Donostiako udaltzainei laguntzera joan dira, manifestariekin aurrez aurre jarriz.
Alde Zaharreko bizilaguna den Mikel Agirrek adierazi du sentitzen ari direla auzoan eta hirian bizitzea geroz eta zailago dagoela. "Hiria kanpoko jendearentzat diseinatzen ari dira Udaletik, eta bitartean Alde Zaharrean baliabide falta daukagu, komertzio txikia desagertzen ari da...".
Turismoaren gaia "oso delikatua" dela ikusten dute, baita gaia ateratze hutsak jende bat haserretzen duela ere. "Aurrekoan pegatina bat jarteagatik identifikatu zituzten bost pertsona eta gaur pankarta bat jarri eta hau nola kentzen dute grabatzeagatik, berehala presentzia poliziala oso handia da. Turismoarekin kritiko agertzen zaren unean, zure bila egurra ematera oso azkar doazela ikusten dugu", salatu du.
Ernairi manifestazioa deskonbokatzeko exijitu diote
EAEko, Gipuzkoako eta Donostiako turismo sailetako arduradunek, sektoreko hainbat ordezkarien babesarekin, turismoa sustatzen jarraitzeko konpromisoa berretsi dute. Hau da deialdia egiteko zabaldu duten kartela, gaztelaniaz bakarrik.
Ernairi Aste Nagusian deitu duen manifestazioa bertan behera uzteko exijitu diote. Horrez gain, Euskadiko Turismo Agentziak Bilbon duen egoitzari pintura bota izana "eraso" gisa kalifikatu dute eta "turismofobiaren aurrean batasuna" aldarrikatu dute.
Eusko Jaurlaritzak "babes osoa" azaldu die turismoaren sektoreko enpresa eta langileei.
17:30ean abiatu da "zuen turismoa gazteon miseria" lelopean Ernaik Donostian deitutako manifestazio jendetsua. Azken asteetan polemika handia izan da gaiarekin eta hedabide ugari gerturatu dira. "Kalitatezko turismoaren aurrean, kalitatezko bizitzak" eskatu dituzte.
Bartzelonako Udalak hala eskatuta, Airbnb plataforman iragartzen ziren 1.000 etxebizitza kendu dituzte legez kanpoko pisu turistikoak zirelako.
Turismoaz eta dituen ondorioez hitz egiteko batu dira asteazken goizean Arnaldo Otegi buru duen EH Bilduren ordezkaritza bat Gipuzkoako Ostalaritzako Enpresarien Elkartearekin.
Ez hain antzina, hiru mende atzera gehienera, kostako herri baten ur territorialak kanoi baten tiramenaren arabera zehazten ziren: jaurtigaia noraino heldu, lehorretik harainokoa izango zen ur territoriala. Lurraldearen zedarritzeko, ordea, kanoia baino hobea da festa, eta hain zuzen ere, kanoikada batek emango dio hasiera Donostiako abuztuko festari.
Turismo ereduaz eztabaidatzea herri kirol bilakatu zaigun egunotan, nekez igaroko duzu eguna “Turismoa ona da dirua ekarri eta lanpostuak sortzen dituelako” nonbait irakurri edo entzun gabe. Zorionez, lehen mantra eztabaidaezina zena, pitzatzen hasi zaie eta galderak gehitu zaizkio: Zenbat irabazten dugu turismoarekin? Nork irabazi? Zeren ordainetan?
Ernaiko kideek, turismo ereduaren aurkako manifestaziorako giroa berotzen jarraitzen dute. Asteazken arratsaldean Donostiako Alde Zaharrean turistek erabili ohi duten txu-txu trena geratu dute mozorrotuta "zuen turismoa gazteon miseria" salatuz.
EAEko Turismo Agentziak Bilbon duen egoitza pinturaz zikindu eta "herria bizirik" dioen margoketa handia egin dute hainbat lagunek. Ernaik zabaldu du protesta bideo baten bitartez. Abuztuaren 17an "prekarietatean eta espekulazioan oinarritutako" egungo turismo ereduaren aurkako manifestazioa egingo dute Gernikan eta Donostian.
Nola ez, oraingoan ere, kalean gabiltzanoi gauzak “gaizki” egin ditugula esan digute beren butaka eta bulegoetatik gauzak “ondo” egiten dituzten horiek. Guk salatu dugun errealitate gordinaren inguruko beraien lehen hitza gu kritikatzea izan da, gauzak “gaizki” egin ditugulako. Izan ere, turismoaren arazoa ez da gaurkoa -eta, zer esanik ez, Donostiako Parte Zaharrean-, baina beste horiek isilik egon dira turismoak Parte Zaharra ito duen bitartean.
Turismoa denen ahotan dago azken aldian. Era guztietako iritziak entzun daitezke honen harira. Torreberri Gaztetxeak ere debate honetan parte hartuko du igande honetarako antolatu duen Giri Egunarekin. Eztabaida, bazkaria eta kalejira antolatu ditu Giri Eguna. Turismoari satira bat izenburupean.
Donostiako Alde Zaharreko oheen %20a turistei bideratuta dagoela eta pisu turistiko horien %84a legez kanpokoa dela salatu du Ernaik. Horrelakoak dauden eraikinetan, "Adi! pisu turistikoa, zuen turismoa, auzoen miseria!" dioten pegatinak jarri dituzte sarrerako ateetan.
