Silvia Carrizo

"Lur azpiko indarra ari gara sentitzen eta ez da gure asmakizuna"

  • Silvia Carrizo Zumaiako Malen Etxearen sortzailea da. Emakume migratzaileak biltzen dira, erabat etxeko eta zaintza langileak, internak deituak. M8 bezperan harrapatu genuen, ondoko herrian, Zestoan, haien taldearen berri ematen eta emakume zestoarrei grebarekin bat egiteko eskatzen.

Onintza Irureta Azkune @oirureta
2018ko martxoaren 08a
Silvia Carrizo (beltzez erdian) eta elkarteko kideak Zumaian haien aldarrikapenak egiten. Argazkia: Malen Etxea.

Nola hartuko duzue parte greban, kontuan izanda taldeko kide gehienak interna lanean ari direla?

Hasteko, guk grebarako prestaketa lanak hiru herritan egin ditugu, Zumaian, Zestoan (migratzaileak bizi diren etxe bat baitaukagu) eta Donostian. Egia da, lanuzteen bidez ikusgaitasuna lortzea oso zaila izango dela emakume migratzaileentzat, baina baita edozein emakumerentzat ere. Nik uste dut greba honek duen balore handiena aurreko egunetakoa dela, prestaketa lanetan aritu gara eta hainbat ekintza egin da.

Joan den igandean Zumaian etxeko langileek antzerkia egin zuten. Gaur (martxoaren 7a) Zestoan gabiltza interna lana egiten duten emakumeen egoeraren berri ematen eta herriko emakumeei grebarako informazioa banatzen.

Greba hau inflexio puntua izan daitekeela iruditzen al zaizu?

2018ko martxoaren 8a garrantzitsua da. Nik urte asko dauzkat. Beijinen Emakumearen Mundu Biltzarra egin zen 1995ean eta hartaz gogoratu naiz M8a prestatzen ibili garenean. Orduan ez zegoen ezta internetik ere, saretzeko zailtasun handiak zeuden. Ni orduan deabruak pontxoa galdu zuen tokia baino urrutiago bizi nintzen Argentinan, 800 kilometroko bueltan hiru feminista izango ginen, eta jabetzen ginen Beijinen zerbait garrantzitsua ari zela gertatzen. Gure informazioa fax bidez bidali genuen hara.

30 urte eta gero gauza bera sentitzen ari gara. Martxoaren 8 honetan emakumeok badakigu zerbait aldatzen ari dela. Sareak ditugu gure artean, badakigu errefuxiatuen kanpamenduetan, Afrikan, Indian, Ameriketan, munduko txoko bakoitzean, gutxienez emakume batek besoko morea jarriko duela eta esango duela: “nazkatuta nago”. Zerbait aldatzen ari da eta sentitzen dugu. Lur azpiko indarra ari gara sentitzen eta ez da gure asmakizuna.

Nire lagunak elkarrizketa egiten ari garen momentu honetan herriko plazan daude. Lehenengo aldia da hainbeste ateratzen garela kalera, esatera, “hemen gaude”.

Afrófeminas aldizkari espainiarraren zuzendaritzak erabaki du greba babestu bai, baina ez dutela parte hartuko. Argudiatu dute emakume ez zuriek ikusezin izaten jarraitzen dutela bai hedabideetan, baita mugimendu feministan bertan ere.

Batetik, argi esan behar da aldizkariaren zuzendaritzaren iritzia dela hori. Horrek ez du esan nahi kolektibo guztiak berdin egingo duenik. Bestetik, egia da, ez gaude bisibilizatuak emakume ez zuriak eta migratzaileak. Baina non nahi dugu ikusaraziak izatea? Boterearen esku dauden hedabideetan agertu nahi dugu? Jakina, ez gara horietan agertuko. Mugimendu feministan? Mugimendu feminista denok gara, banago edo ez nago, mugimendukoa sentitzen naiz edo ez. Karibeko emakumeen sarean, Malen Etxean, honela esaten dugu: “Emakume migratzaileak, eskubideekin eta ikusgarri”. Dena dela, jarrera guztiak errespetatu behar dira.

 

Kanal hauetan artxibatua: M8 greba feminista  |  Adinekoen zaintza

M8 greba feminista kanaletik interesatuko zaizu...
2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


Fauna publikoa
Kartolak jantzita

Bergarako Martxanterak talde feministak eman dizkion erantzunengatik iritsi naiz Oihan Vegaren iritzi-artikulu batera, “M8, eta orain zer?” du titulua, pixka bat Leninen Zer egin? hura bezala, baina komunismorik gabe, zeren komunismoak ere ez baitu, Vegaren esanetan, matxismoa desagerrarazten –Twitterren irakurri diot erromeriako esplikazio hori, artikuluak eragindako polemikaren erantzunetan–, eta beraz, galdetzen du –berriz ere artikuluan–, zergatik salatu... [+]


2018-03-25 | David Bou
Armak eman ditzagun

Orrialde honetan idaztea proposatu zidatenean hainbat dudak harrapatu ninduen, gauza bat ebatzi behar nuen oroz gainetik. Sailean nor ordezkatzen nuen, ahots maskulinoen aldean ahots femeninoen pisua ezagutu nahi nuen. Erantzuna egokia izan zen.

Inork ez dezala pentsa, idazteko aukera eman zidatela nire pribilegioen oso kontzientea naizelako, aitzitik, lagun feminista bati aspaldian entzun nizkion hitz hauek burrunba egin zidaten: “Zure ustez, zer egin dezakegu gizonok borroka horretan... [+]


2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


2018-03-19 | Unai O˝ederra
M8ko greba feministak erakutsi diguna

Ez nuen oroitzen koadrilan guztiok gizonak ginela; martxoaren 9an konturatu nintzen. Afal aurreko poteoan txantxak, txisteak. Afal orduan, txotx deietan, “utzi pasatzen horiei, bestela…”, neskak zetozenean. Orduek aurrera egin ahala, iragazkiak ezabatuak, barruko minak, haserreak, erresistentziak, jarrera erreaktiboak. Bezperan, feministek Euskal Herriariari orri bat oparitu zioten mobilizazioen Guinness errekorren liburuan, eta koadrilan, pozez zoratzen ospakizunetan egon... [+]


Artxoak 8

Gu. Isildutako ahotsen jabe. Historia eta zientzia liburuetatik ezabatutakook. Gu. Erabaki guneetatik baztertutakook. Eremu pribatuan giltzapetuok. Prekarietatera kondenatuok. Lan berdinaren truke gutxiago kobratzen dugunok. Gu. Kontsumitu daitekeen objektu sexualtzat hartuok. Begirada lizun eta iruzkin zikinen xede. Gu. Bigarren planora baztertuok. Beldurrean heziok. Gau eta egun musu-truk lanean aritzera bultzatuok. Gu irainduok, jipoituok, bortxatuok, erailok. Gu… Gu,... [+]


2018-03-18 | Estitxu Eizagirre
Martxoak 8, greba feminista
Zapalduenek plaza hartu zutenekoa

“Nondik edo handik lehertu behar du”, “iraultza baterako baldintza objektibo guztiak daude”, “jendea bizitzeko hain larri egonik, nola ez du kaleak irakiten?”. Ezkerreko gizarte mugimenduek bilatzen zuten bizi baldintzak zukutzen ari den kapitalismoari kalean planto egiteko modua. Eta M8 Grebarekin gertatu da: gainezka egin du kaleak. Ezer ez da kasualitatea izan, eta aldi berean, inork aurrez irudikatuko ez zuena gertatu da, masa mugimenduetan ikustera ohitu... [+]


Martxoaren 8an mundua "gelditu" ostean "eraldatzeko" unea dela esan du mugimendu feministak

Greba feminista "egun historikoa" izan zen, greba eredua bera "birpentsatzeko" baliagarria, "aniztasunaz eta pribilegioez" ohartzekoa. Aurrera begira, Euskal Herriko mugimendu feministaren "interlokuzio gaitasunean" sakondu nahi dute.


Eguneraketa berriak daude