2014ko martxoaren 29an La Haine hedabideko kazetari bat atxilotu zuen poliziak Madrilen. “Jaque al rey” manifestazioaren jarraipena egiten ari zen. Poliziak jarrera bortitza izan zuen manifestarien eta prentsaren aurka hainbat testigantza grafikotan jasota geratu denez.
La Hainek azaltzen duenaren arabera, “manifestazioa bertan behera utzi zutenean autoaren bila zihoazen ‘Boro’ izenarekin ezagutzen den kazetaria eta bere lagun bat”. Bidean polizia hainbat jende eta kazetari jotzen ari zela ikusi zuten. Hori ikustera gerturatzean polizia Bororen lagunaren aurka kolpeka hasi zen. Hori eragozteko tartean sartu zen La Haineko kazetaria eta poliziak atxilotu egin zuen, hainbat kolpe emanez.
Hedabidetik jakinarazi dutenez, “kazetariak hainbat aldiz ohartarazi zien poliziei kazetaria zela”. Polizia etxean pasa zuen gaua eta hurrengo goizean karguekin aske utzi zuten.
Fiskalak sei urteko kartzela zigorra eskatu du Bororen aurka autoritatearen aurkako atentatua eta lesio delituak egotzita. 6.200 euroko ordaina ere eskatu du. Hedabidetik adierazi dutenez, “poliziek ukabilkada eta ostikoak eman zizkietela salatzen dute bere aurka”.
La Hainek zabaldu duen bideoan ikusi daiteke sekuentzia osoa:
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]