Protesta Donostiako Gogoko Goxuak kafetegian langileei ordaintzeko eskatuz
Donostiako Gipuzkoa Plazan protesta egin dute LAB, Ernai eta Donostiako Langileen Babes Sareak, Gogoko Goxuak kafetegiko jabeek langileekin dituzten zorrak salatuz. Atean jarri dira pankarta eta kartelekin eta eskuorriak banatzen aritu dira kalean zebiltzanei. Kafetegiak hutsa amaitu du.
LAB sindikatuko Ekaitz Telleriak azaldu duenez, hainbat langilek eta langile ohik jo dute beraiengana laguntza eske, hainbat hilabeteko soldatak ez dizkietela ordaindu salatuz. "Normalean enpresa honek egiten du bizpahiru hilabeteko soldata ez ordaindu langilea joan egin dadin, ez duelako kobratzen, ezer erreklamatu gabe. Langileak beraz, hainbat hilabetez izaten ditu dohainik". Joan den gabonetan kanpaina abiatu zuen LABek.
Maiatzean bi langilek bina hilabeteko soldata ez zietela ordaindu, eta beste batek baja medikua hartzean kaleratu egin zutela jakinaraziz berengana jo ostean, protesta kanpaina abiatzea erabaki dute.
LABen estimazioen arabera, lau urtetan 600 langile pasa dira enpresa horretatik, eta horietatik 25 baino gutxiago dira erreklamazioa jarri dutenak. "Honek esan nahi du 575 lagunetik gorak ez dutela beren soldata kobratu, eta enpresak diru hori aurreztu duela. Hau prekarietatearen adibide oso garbia da".
Bideo honetan ikus daiteke protesta kafetegi barruan.
Protesta #GogokoGoxuak barnean, Donostiako Gipuzkoa Plazan. pic.twitter.com/FdOjXOz6pE
— Lander Arbelaitz (@larbelaitz) 2017(e)ko ekainak 30
LAB, Ernai eta Babes Sareak udan Gogoko Goxuak enpresaren aurka kanpaina egingo duela jakinarazi dute, "baita turismoaren aitzakipean langileen prekarizazioan sakontzen duten enpresen aurka ere".
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]