Israelgo enbaxadoreari protesta artean egin diote harrera Eusko Legebiltzarrean
Israelgo enbaxadore Daniel Kutnerren bisita izan du eguerdian Eusko Legebiltzarrak. Segurtasun eta protesta ugarien artean, Parlamentuko atzeko atetik sartu behar izan da Espainiako erresuman entitate sionistak duen ordezkaria.
Eusko Legebiltzarrak harrera beroa egin dio Israelgo enbaxadoreari. "Israel eta Euskadiren arteko adiskidetasunaren seinale", Parlamentuko mahaiko presidente Bakartxo Tejeriaren eskutik jaso ditu Kutnerrek Eusko Legebiltzarreko ikurra eta Linguae Vascorum Primitiae liburuaren kopia bat. Ondoren ekin diote ordu erdiko bilera pribatuari.
Segurtasun neurri handien artean heldu da diplomatikoa Parlamentura. Mobilizazioak direla eta atzeko atetik sartu behar izan da. EH-Palestina sareak deituta, ehun bat pertsonek hartu dute parte enbaxadorearen bisitaren aurkako kontzentrazioan. Palestinaren aldeko eta Israelen aurkako oihuak entzun dira ordubetez luzatu den elkarretaratzean. Askapenako kide Xabier Lasak ARGIAri egindako adierazpenetan, "Israeleko adierazpen politiko edo kultural ororen presentzia Euskal Herrian" salatu nahi izan dute manifestariek. Lasaren esanetan "onartezina da guztiona den Parlamentuan Palestinaren genozidioa eta apartheid politikoaren arduradunari harrera egitea" eta EAJk enbaxadorearen bisita ezkutarazi egin duela salatu du. «BDS kanpainarekin jarraitzeko konpromisoari eutsiko diotela» adierazi du EH-Sareko ordezkariak eta "okupazioa sufritzen duen herri palestinarrari babesa emateko" deia luzatu dio Euskal Herriari.
EH Bildu enbaxadorearen presentziaren aurka
EH Bilduko parlamentariek ere protesta egin dute Israelgo enbaxadorea Parlamentura heldu den unean. Legebiltzarreko harreran, alderdi abertzaleko kideek Palestinaren aldeko eta Israelen aurkako kartelak erakutsi dizkiote entitate sionistaren ordezkariari eta tentsio uneak izan dira. Kanpoko mobilizazioarekin bat egin aurretik, parlamentari ezkertiarrek "Palestina askatu" eta "Israel hiltzaile" oihu artean agurtu dute Daniel Kutner.
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]
Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]
EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.