PPren egoitzaren aurrean lehen 'escrachea' egingo du bihar Kaleratzeak Stop Bizkaiak
Bizkaiako Kaleratzeak Stop plataformak bere lehen ‘escrachea’ egingo du ostiral honetan PPk Bilbon duen egoitzaren aurrean. Eztabaidatzen ari den hipoteka-exekuzioen arautegi berriari buruz PPren jarrera salatu nahi dute. Antonio Basagoiti EAEko PPko buruak berak esan zuen kaleratzeen aurkako plataformek erabiltzen dituzten borroka teknikak “ETAren munduarenak bezalakoxeak” direla.
Sestaoko egoitzan, plataformaren bozeramaile Marta Uriartek nabarmendu du protestak “biolentziarik gabekoak” izango direla. Beste ‘escrache’ batzuetan ez bezala, ez dira inoren etxera gerturako, Uriarteren arabera. Esan duenez, PAH eta beste plataforma batzuen borroka moldeak “erabat errespetagarriak” iruditzen zaizkio, baina “gauzak beste modu batean errebindika daitezke” haren ustez.
Bilbokoaz gain, Eusko Legebiltzarraren aurrean beste bat egiteko asmoa erakutsi du Kaleratzeak Stop Bizkaiak.
Zer da ‘escrachea’?
Pertsonaia publiko baten lantokiaren edo etxearen aurrean deitutako manifestazioa da ‘escrachea’. Argentinan zabaldu zen terminoa 90ko hamarkadan. Informazio gehiago nahi izanez gero, irakurri Lander Arbelaitzek bere blogean idatzitako artikulua.
Maiatzaren 11n manifestazioak egingo dira Bilbon eta Iruñean bidezko trantsizio ekosoziala aldarrikatzeko, Euskal Herriko Eskubide Sozialen Gutunak, Emakumeen Mundu Martxak eta Gune Ekosozialista erakunde ekologistak deituta. Manifestazioak 12:00etan abiatuko dira Gaztelu... [+]
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]
Apirilaren 18an, Mbolo Moye Doole elkarteak elkarretaratzea deitu zuen, Bilboko manteroen aurkako arrazakeria eta indarkeria poliziala salatzeko.
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]