Pobrezia kronifikatzen ari dela dio Caritasek

  • 2016ko memoria eman du ezagutzera Caritasek, eta EAEko hiru lurraldeetan egoera antzekoa azpimarratu dute: “2015etik 2016rako joera beheranzkoa bada ere, jende gutxiagoren oinarrizko beharrak asetzeko diru gehiago behar izan dugu”.

Itsaso Zubiria Etxeberria @itsasozubiria
2017ko ekainaren 15a
2015eko memoriaren aurkezpena (argazkia: redaccionpalabraeuskadi.blogspot.com).

Laguntza hauek jasotzen dituztenen artean hiru profil markatu ditu Caritaseko zuzendaritzako kide eta Gipuzkoako arduradun den Kontxi Elexpek Euskadi Irratian egindako elkarrizketan: batetik daude guraso bakarreko familiak, bestetik haurrak dituzten guraso gazteak, eta hirugarren bat sartu du zerrendan, denbora luzez langabezian dauden pertsonak.

Elexpek adierazi duenez “jendeari asko kostatzen ari zaio behin zuloan egonda bertatik ateratzea, eta pobrezia egoerak kronifikatzen ari dira”. Gipuzkoako datuak eman ditu, esaterako: 2007an 16.000 pertsonari eman zioten laguntza, eta 2016an 26.700 lagun izan dira Caritasen atea jo dutenak.

Banatzen den diruaren ehuneko altu bat elikadurara eta etxeko gastuetara (alokairua, hipoteka, hornidura gastuak…) bideratzen dela esan du Elexpek.

Sortzen ari diren lanpostuak

Lanpostu berriei erreferentzia egin die Gipuzkoako administrariak eta azpimarratu nahi izan du lanpostu hauetako asko “txarrak” direla, "langile pobreen multzoa handitzen doala, eta ez direla hilabete bukaerara iristen langileak jasotzen duen soldatak ez dituelako oinarrizko beharrak asetzen".

Kanal hauetan artxibatua: Pobrezia  |  EAE

Pobrezia kanaletik interesatuko zaizu...
Ez dugu ikusi nahi

Zergatik egiten dugu geure Black Friday, Cyber Monday, Halloween eta kontsumoa handitzeko AEBetatik datozkigun moda berri oro? Zergatik guk hartzen dugu haiena eta ez alderantziz? Galdera erretorikoa da, bai. Munduan buruko gehien kontsumitzen duen gizartetik datoz ekimenak eta mugarik gabeko kontsumoa behar, ranking horretan lehena izaten jarraitzeko.


2017-10-20 | Unai Brea
Pobreziaren aurkako bizikleta martxak egingo dituzte Bilbon eta Donostian

Larunbatean Bizkaiko eta Gipuzkoako hiriburuetan bizikleta martxa bana eginez emango diote amaiera EAEn astebetez egindako Desparekotasun Gordinen Aurka kanpainari. Antolatzaileek salatu dute “pobrezia eta desberdintasunak gero eta larriagoak, gordinagoak eta kronikoagoak” direla.


2017-10-10 | ARGIA
Osasungintzako gastuaren lautik bat finantzazio pribaturako da EAEn

EAEko Medicusmundik desoreka sozialen eta osasunaren pribatizazioaren arteko loturak aztertzeko ikerketa egin du. Osasun arreta desegokiak desoreka sozialak handitu ditzakeela azpimarratu du.


2017-09-28 | Xalba Ramirez
Etxegabe bat hil da Barakaldon, kutxazain batean lotan zegoela

Joan den asteko ostegunean Barakaldon 35 urteko gizonezko bat hil zen, bere bikotekidearekin lotan zegoen bitartean.


2017-09-13 | Xalba Ramirez
Bizkaiko Foru Aldundiak 600.000 euro gastatuko ditu laguntza sozialen kontrola areagotzeko

Unai Rementeria Bizkaiko ahaldun nagusiak aurkeztu du “laguntzak bai kontrola ere bai” kanpaina, laguntza sozialetan jarraipen estuagoa egiteko eta baldintzak berrikusteko. 600.000 euroko aurrekontua erabiliko da “16.000 prestazio eta 350 zentro baino gehiagotan zerbitzu horiek eta euren helburuak betetzen direla egiaztatzeko”.


Kalean bizi ziren hainbat lagunek etxe hutsa okupatu dute Iru˝ean

Bizitoki baten beharrak elkartuta, kalean bizi ziren hainbat lagun antolatu eta “toki huts hau okupatzea erabaki dugu, bizia emateko, konpontzeko eta zaintzeko. Elkarbizitza segururako espazioa eraikitzen ari gara, non denek ahotsa dugun, jatorria, itxura, gorputzeko usaina edo klase soziala kontuan hartu gabe”. Etxebizitzaren jabeak salaketa jarri du jada.


2017-08-29 | Xalba Ramirez
Gipuzkoarren %10 aberatsenek soldaten %57 irabazten dute

Gipuzkoako langileen soldata eta laguntzen inguruko txostena osatu du Diputazioak. Azken hamar urteetan ezberdintasun sozialek gora egin dute: aberatsenek gehiago irabazten dute eta txiroenek gutxiago. 2008an irabazi handienak zituzten %10en soldatak 38,9 aldiz handiagoak ziren %10 txiroenek jasotzen zituztenak baino. 2016an aldiz, aldea 63,3koa izan da.


"Ura moztu didate 278 euro zor nituelako"

Ordainketan hiru hilabeteko atzerapena izateagatik moztu egin dio Bilbao Bizkaia Ur Partzuergoak etxeko ur-korrontea adingabeko bi seme-alaba dituen Mariama-ri. Hiru hilabeteko atzerapena, zifretan esanda, 278,95 euro.


2017-07-05 | Uriola.eus
Bilboko Udalak Zorrotzan su hartutako eraikinaren eraiste kostuak eskatuko dizkie jabeei

Eraiste eta obra-hondakinen garbiketen kostuak erreklamatuko dizkie Udalak ugazabei. Istripua jazo zenean etxebizitzan erroldatuta zeuden hamalau lagunetatik hamaika etxebizitzen jabeak dira eta eraikinaren seirena ordaintzea egokituko litzaieke.


Eguneraketa berriak daude