Pinocheti Darth Vader komiko baten itxura hartzen diote txiletar gazteek

  • Horixe esan du No filmeko produktore Juan de Dios Larrainek, prentsaurrekoan. Filmak Pinocheten garaiko Txile irudikatzen du eta dirudienez, Txilen bertan pelikula eman dutenean, hango gazteek barre batez ere Pinochet agertzen denean egin dute. “Gustu txarrekoa aurkitzen dute, Darth Vader komiko gisa ikusten dute, komikiko pertsonaia kasik, eta barre egiten dute”. Horregatik da beharrezkoa, besteak beste, iragana ez ahaztea.

2012ko irailaren 23a
\"No\" filmeko protagonista, Gael García Bernalek antzeztua.

Txileko gazteek Pinocheten irudia distortsionatuta ote duten, edo diktadore anker bezala ikusi beharrean pertsonaia barregarria begitantzea ona ala txarra den ez du argitu produktoreak. Nolanahi ere, ahanzturan gera ez dadin, sasoi beltz hari heltzen dio pelikulak, oso modu originalean. Hain juxtu, atzo estreinatutako beste film batek ere, Sleepless Nights lanak, iraganean jartzen du begirada, Libanoko gerra zibila protagonisten ahotik konprenitu nahian, hura ere ahaztu ez dadin.

“Pinochet, tamalez, oso ezaguna da nazioartean, boterera nola iritsi zen oso ezagun egin da, baina ez hainbeste nola atera zen boteretik, eta hor kontatzeko historia interesgarria zegoela ikusi genuen”, azaldu du produktoreak. Hala, anaia duen Pablo Larrainek zuzendutako filmak diktaduraren azken hilabeteak berreskuratu ditu: modernizatzen ari den herrialdea erakusten digu, ekonomikoki indartsua azalean, aurreranzko bidean itxuraz, baina atzealde zikina, askatasunik gabea eta krudela duena. No filma Zabaltegi Perlak sailean eskaini dute, eta oso harrera ona izaten ari da publiko eta kritikarien artean.

Kanal honetan artxibatua: Txile

Txile kanaletik interesatuko zaizu...
Pentsio sistema publikoa: Txileko herritarren aldarria 30 urteren buruan

1980ko hamarkadan pribatizatu zuten Txileko pentsioen sistema, Pinocheten diktaduran. Estatu mailako arazo bilakatu da azken urteetan, erretirodunek jasotzen dituzten pentsio baxuengatik. Zenbateko hauek kudeatzen dituzten enpresa pribatuen aberasteak ere hautsak harrotu ditu. Hainbat mobilizazio izan dira azken bi hilabetetan herrialdean. Abuztuaren 21ean izan da azkena eta ehunka mila pertsona bildu dira Santiagon pentsio sistema publiko bat aldarrikatzeko.


Txiletik kanporatu duten Iban Gartziaren bizipenak bideo batean

Uztailaren 21ean atxilotu zuen Gartzia Txileko Estatuko Poliziak. Bere aurka kanporatze agindua zegoela argudiatuta hurrengo egunean bidali zuten Espainiako Estatura. Askapena Euskal Herriko erakunde internazionalistak bideo batean bildu du Gartziak egun hartan bizitakoa.


2016-07-22 | Antxeta Irratia
Iban Gartzia irundarra atxilotu eta Txiletik kanporatu dute

Atzo arratsaldean atxilotu zuten, Txileko Estatuko Maputxe herriko komunitate batean zegoen euskal militantea. Ostegunero bezala, Maputxe herriaren historia ezagutzeko, eta Maputxeen Mapudungun hizkuntza ezagutzeko, unibertsitateko klasera zihoan militante irundarra. Momentu horretan, unibertsitatean, txiletar polizia agertu, atxilotu eta bere kontra kanporatze agindua zegoela esan zion.


2016-02-25 | Lander Arbelaitz
Maputxeraren ofizializazioa eskatu dute 2.000 lagunek Temucon

Maputxeraren ofizialtasuna eskatzeko manifestazioa egin dute Temucon ostiralean. 1.500 eta 2.000 lagun artean bildu dira Mapuexpress gunean jaso dutenez. Hizkuntzaren aldeko lanean ari diren hainbat erakunde eta alderdik deitu dute mobilizazioa.


Unibertsitatea doakoa izango da Txilen

Milaka ikasle, guraso eta eragilek Txileko kaleak hartu zituzten 2011n, doako, kalitatezko eta irabazi asmorik gabeko hezkuntza aldarrikatuz. Goi mailako heziketa jasotzeko aukera norberaren baliabide ekonomikoen menpe ez egotea eskatu dute ordutik eta borrokaren fruituak ikusiko dituzte azkenik: martxotik aurrera unibertsitatea doakoa izatea onartu berri du Txileko Kongresuak.


"Zauriak irekita jarraitzen du" Txileko estatu kolpearen 42. urteurrenean

Igandean 50.000 pertsona  bildu ziren Txileko Santiago hiriburuan kolpe militarraren ondorioz hildako eta desagertutako biktimen alde. Augusto Pinocheten diktadurak 1973tik 1990era iraun zuen.


350.000 pertsona Txilen hezkuntza duin baten alde

Protesta jendetsuak izan dira asteazkenean gobernuak onartutako hezkuntza erreformaren aurka. Santiago de Txilen “Que Chile decida” lemapean 200.000 pertsona kalera atera dira.


2015-05-14 | Axier Lopez
Nola abortatu kartzelara joan gabe?

Txileko legeak abortua delitu bilakatzen duela salatzeko Miles taldeak munduari buelta eman dion kanpaina bat abiatu zuen apirilean. Abortatzeko eskubidearen urraketaren ondorioz, legeak krimentzat hartzen ez dituen abortu bakarrak istripuz izandakoak direla salatu dute fikziozko bideoen bitartez.


2015-05-14 | Kepa Zelaia
Justizia printza gutxi batzuk Victor Jararen hilketan

1973ko irailaren 11ko goizean Santiagon, Salvador Allende Txileko presidentea Estatuko Unibertsitate Teknikoan hitzaldi bat ematekoa zen. Allendek plebiszitu batera deitzeko asmoa zuen, boterean jarraitzen zuen ala ez erabaki zezaten herritarrek.


Azkenak
Eguneraketa berriak daude