Otegik ostegun eguerdian bere izenean aurkeztutako helegitean eskatu du Gipuzkoako Hauteskunde Batzordeak bere kontra hartutako erabakia indargabetzeko eta hautagaien zerrendan sar dezala. Iñigo Iruin abokatuak entregaturiko idatzian “sufragio pasiborako eskubidea” du aipagai.

Bere ustez Audientzia Nazionalak ezarritako inhabilitazioa ez da “gain-ezarria dagoen zigorra da eta ez lehen mailakoa” eta hortaz espetxe zigorra amaitzearekin bertan behera geratu zen. “Batzordeak zigorraren izaera aldatu du eta duena baino maila handiagoa eman dio”, azaldu dute helegitean.

Defentsaren aburuz Otegiri politikan parte hartzeko eskubidea “murriztu” egin dio batzordearen erabakiak.

Donostiako auzitegiak helegitean eskatutakoa aintzat hartuko ez balu Konstituzio Auzitegira jotzeko aukera izango luke oraindik EH Bilduk.