"Okupazio eta autogestioaren sokak ez du etenik"
Auzoarentzako lokal bilakatu nahi dute. Azkenaldian okupazio saiakera gehiago egin dira.
Ekainaren 30 larunbat goizean okupatu zuten Donostiako Alde Zaharreko Gazte Asanbladako kideek Aldamar kaleko bideoklub zaharra. Auzo lokal bat sortu nahi dute bertan. Azken hilabeteetan auzoko eraikuntza ugari “berreskuratzeko” ekimenak egin dituzte. Martxoaren 24an Abuztuaren 31 kaleko eraikin bat okupatu zuten. Poliziak ilegalki atera zituela handik salatu zuten gazteek komunikatu baten bitartez. Egun berdinean jakinarazi zutenez pentsio berri bat ireki behar dute eraikin horretan. Hala ere gazteek ez dute etsi eta auzoarentzat gaztetxe baten bila dabiltzala adierazi zuten.
Okupazio ekimen hau Alde Zaharra bizirik egunaren baitan kokatu zuten. Honetaz gain beste ekimen batzuk ere egin zituzten: visit zure auzoa, bazkaria, Orixe ikastolako ikasle ohien topaketa, auzolana Trinitate plazan duten auzo baratzean eta auzo asanblada.
Visit zure auzoa ekimenean auzori “lapurtu” zaizkion eraikin eta lekuetatik pasatu ziren, kaitik, Bretxako merkatutik, Lasala plazako hotel berritik, besteak beste. Hau bukatzen eta bazkari aurretik okupatu zuten lokala.
Irakurketa osorik:
Arrazoi asko ditugu auzoaren eta guretzako izango diren espazioen alde borrokan aritzeko!!
Alde zaharra bizirik!!!#AZgaztetzera pic.twitter.com/dnduNTtrLN
— Alde Zaharreko Gazteak (@AZgazteak) June 30, 2018
Jendea sartu eta sartu ari da!!!#AZgaztetzera pic.twitter.com/uVL50GNkpP
— Alde Zaharreko Gazteak (@AZgazteak) 2018(e)ko ekainaren 30(a)
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]