Mariela Castro eta Aleida Guevara Euskal Herrian

  • Ekainaren 7an eta 8an hitzaldia emango dute Mariela Castro eta Aleida Guevarak Donostian eta Getarian. Ostiraletik igandera Bilbon egingo diren Kubarekin elkartasun topaketetan parte hartuko dute.

Xalba Ramirez @xalbaram
2017ko ekainaren 07a
'Kuba: egiak eta gezurrak' hitzaldiko kartela.

Asteazkenean, ekainaren 7an, Donostiako Koldo Mitxelenan izango dira biak, Claudia Cambarekin batera, “Un mundo mejor es posible” fundazioko lehendakaria eta Kubako osasun eta hezkuntza arloetako misio solidarioen koordinatzailea Argentinan. “Kuba: egiak eta gezurrak” izango da mahai-inguruaren izenburua eta ostegunean Getarian errepikatuko dute.

Espainiako estatu mailako Kubarekin elkartasun topaketak izango dira ostiraletik igandera bitarte Bilbon, Euskadi-Cuba elkarteak antolatuta. Topaketen lelo nagusia “Kubarekin elkartasuna:hedabideak eta sare sozialak” izango dira, eta tailer eta eztabaida guztietan guda mediatikoa edo isiltasun informatiboa izango dute zeharkako gai. Hemen egitarau osoa.

Mariela Castro Espín, Kubako diputatua eta "Heziketa Sexualerako Zentro Nazionaleko" La Habanako zuzendaria da eta Raul Castroren alaba.

Aleida Guevara berriz, mediku pediatra, Che Guevara Ikasketen Zentroko kide eta Che-ren alaba, eta biek izango dituzte parte hartze garrantzitsuak topaketetan.

Bestelako parte hartzaileen artean Eugenio Martínez Enríquez, Kubako enbaxadorea, Willy Toledo aktorea, Arnaldo Otegi Sortuko kidea edo Angeles Díaz soziologoa izango dira.

Topaketetako izen-emate kopurua bete egin da, eta soilik larunbat gaueko festan parte hartu ahal izango du orain arte izena eman ez duenak.

 

Kanal hauetan artxibatua: Kuba  |  Internazionalismoa  |  Sare sozialak  |  Donostia  |  Bilbo  |  Getaria

Kuba kanaletik interesatuko zaizu...
Kubaren etsai berri eta inoizko gaiztoena: klimaren aldaketa

Beraiek erantzukizun txikia eduki arren Lurrak jasaten duen klimaren erotzearen sorreran, Kubako jendeak izango dira beroketa globalak ekarriko dituen hondamendiek gehien kaltetuetakoak. Urakanak, uholdeak, lehorteak, itsas mailaren igotzea, uharteak bere azaleraren parte bat galtzea... Agintariek Tarea Vida izeneko plan estrategikoa abiarazi dute, Sobiet Batasuna hondoratu osteko Periodo Especial-eko larrialdia baino kudeatzen zailagoa izan litekeenari aurre egiteko.


2018-04-18 | ARGIA
Raúl Castro ordezkatzeko prestatzen ari da Kuba

Iraultzaren arrakastatik ia sei hamarkada igaro direnean, Castrotarrek Kuba gobernatzeari utziko diote. Ostegun honetan iragarriko dute zein izango den herrialdeko presidente berri eta Raúl Castroren ordezko. Miguel Díaz Canel presidenteordeak ditu aukera gehien eta ez da espero norabide aldaketa handirik.


2018-03-11 | Xalba Ramirez
Audience
Kubatik ekarritakoaren isla

20 urte betetzera doa Audience talde gernikarra. Estilo ugaritatik bidaiatuak, oholtza gainean batetik bestera ibiltzen dira, instrumentuak aldatuz. Esperientzia lagun, beti beste salto bat egitera ausartzen da taldea. Oraingo honetan Kubatik ekarri dute euren zortzigarren lana den Isla, Kaki Arkarazoren gidaritzapean ekoiztua Habanan.


2018-03-05 | Lander Arbelaitz
Guantanamoko atxiloketa gunea ez dute itxiko, eraberritzeko proiektua lantzen ari dira

AEBek Kuban daukaten Guantanamoko espetxea berreraiki egingo dute. 2019. urteko Pentagonoaren aurrekontuetan 68,96 milioi dolar aurreikusi dituzte. Kopuru hau herrialde hartako Kongresuak baieztatu behar duen arren, agerian geratzen da tortura zentro polemikoa ixtetik urrun daudela.


2018-01-21 | Dabi Piedra
Alexis Díaz Pimienta repentista kubatarra:
"Hemendik 20 urtera repentismoak izugarrizko loraldia izango du, hasi gara zantzuak igartzen"

Kubako inprobisazioaren, repentismoaren, bultzatzaile handienetako bat da Alexis Díaz Pimienta (Habana, 1966). Inprobisatzaile ez ezik, eragile ere bada, neska-mutilentzako repentismo eskolak sortu baititu uharte guztian. Kuba eta Espainia artean bizi denez, Andaluzian eta Murtzian ere ibilia da hango tradizioak sustatzen. Gainera, unibertsitatera eraman du repentismoa: Poesia Inprobisatuaren Katedra Esperimentalaren zuzendaria eta Dezimaren eta Bertso Inprobisatuaren Zentro... [+]


Joseba Sarrionandiari buruzko dokumentala estreinatuko dute larunbatean Iurretan

Joseba Sarrionandia, hemen eta han idazleari buruzko dokumentala estreinatuko dute larunbat honetan Iurretan. Askondon izango da, 18:30ean.


'Irma' Kubatik urrutiraturik, Habanak gaur irekiko du bere aireportua

Sekula ikusi duen urakan suntsitzaileenaren kalteak kontatu eta oinarrizko zerbitzuak abiarazteko ahaleginean ari da Kuba osoa. Gaur, asteartea, hango 12:00etan (18:00 Euskal Herrian) zabalduko du berriro José Martí aireportua.


Denak Floridara begira geundela, 'Irma'-k Kuba erruki barik jipoitu du

Karibeak ehun urteko urakan handiena nozitzen zuela, hedabide nagusiek inperio iparramerikarren agenda jarraituz Floridako albiste eta irudiz ito gaitu  europarrok, ekaitzaren kalterik handienak Kuban gertatzen ari ziren bitartean.


Kuba eta Floridan larunbaterako espero dituzte 'Irma'ren astindu gogorrenak

Karibeak inoiz ezagutu duen urakanik bortitzena, Haiti eta Dominikar Errepublika kolpatu ondoren, ostiralean ari da pasatzen Bahama uhartee gainetik eta Kubako ipar-ekialdera hurbiltzen, azkenean AEBetako Floridan lehorreratzeko.


2017-06-25 | Jabi Zabala
Aleida Guevara, kubatar medikua
"Jainkorik baldin badago, arrazista itzela da"

Aleida Guevara March kubatarra (Habana, 1960) pediatrian doktorea, mediku internazionalista, Alderdi Komunistako kidea eta bi alabaren ama da. Habanako William Soler haur ospitalean egiten du lan eta Che Guevara ikerketa gunean laguntzailea da. Cheren alaba izateagatik ezaguna, Kubako iraultzaren eta aitaren figuraren defentsa egiten du maiz, nazioartean parte hartzen duen foroetan. Berriki Bilbon izan da, Euskadi-Cuba elkarteak antolatutako elkartasun topaketa batean. Aitaren figuraz,... [+]


Azkenak
EGILEA
Eguneraketa berriak daude