“Los Deia Kirol Sariak”: euskaraz, izena bakarrik
Aitzol Atutxa aizkolari dimaztarrak Twitterren ohartarazi du Deia egunkariak banatu dituen “Deia Kirol Sarietan” euskararen presentzia hutsalaz. Egoera horren aurrean, gaztelania hutsean egindako galdereei euskaraz erantzutea erabaki zuen Atutxak.
aurre egingo dieten hedabide independenteak
DEIA egunkariak urtero "Euskal Kirol Sariak" banatzen ditu, Noticias taldeko egunkariak urte horretan aukeratzen dituen Euskal Herriko hainbat kirolariren lana saritzeko. Aurten ere hala egin dute asteazkenean Bilboko Euskalduna jauregian. Edizio honetako sarituen artean izan dira Jon Rahm golflari getxoztarra, Suitzan bizi den Garbiñe Muguruza tenislari venezuelar-frantziarra, Mikel Landa txirrindulari murgiarra, Athleticeko hainbat jokalari eta Aitzol Atutxa Dimako aizkolaria, besteak beste.
Atutxak hainbat txioren bitartez agerian utzi du sari banaketan antolatzaileek euskara alboratu izana. "Gala honek euskeraz izan zuen bakarra bere izenburua izan zen, oso gaizki Deia eta antolatzaileak. Ez dakit noren ardura den baina erantzuleren bat egon behar da seguru", adierazi du egoerak lotsarazita. Aurkezleak euskal hiztuneei ere galderak gaztelania hutsean egiten zizkietela ikustean, bere txanda heltzean, euskaraz erantzutea erabaki zuen. "Batzuk izerdiz bi pausu aurrera ematen dituzten bitartean beste batzuek utzikeriaz hamar pausu ematen dituzte atzera".
-HARIA-
SARITUA IZAN ETA ETXERA TRISTE ZOAZEN EGUN HORI”
Hasteko, pentsatu gabeko hitzak idazten ari naizela esan nahi dut, beharbada egun batzuk barru damutuko egingo naiz eta jada ez da atzera bueltarik izango.
— Aitzol Atutxa (@Atutxall) February 8, 2018
Atzo , “euskal kirolaren deia sariak” ospatu ziren eta bertan saritua izan nintzen. Eskerrikasko Deia eta epaimahaiko kideak.
— Aitzol Atutxa (@Atutxall) February 8, 2018
Nondik datorren nire tristura? Gala honek euskeraz izan zuen bakarra bere izenburua izan zela. Oso gaizki Deia eta antolatzaileak. Ez dakit noren ardura den baina erantzuleren bat egon behar da seguru.
— Aitzol Atutxa (@Atutxall) February 8, 2018
Batzuk izerdiz bi pausu aurrera ematen dituzten bitartean beste batzuek utzikeriaz hamar pausu ematen dituzte atzera.
— Aitzol Atutxa (@Atutxall) February 8, 2018
Gaua aurrera zioan eta sarituak oholtza gainera igo eta jeitsi ari ziren euskarazko hitz bakarra batzuen izen abizenak izanik. Euskal hiztunak ere igo ziren baina beraientzat galderak ere gaztelaniaz ziren.
— Aitzol Atutxa (@Atutxall) February 8, 2018
Nire txanda etorri zen eta nire galdera aurreko guztiak bezalaxe gaztelaniaz. Nire erantzuna ordea euskeraz izan zen eta horrelaxe egin genuen elkarrizketa. Galderak gaztelaniaz, erantzunak euskeraz. Naturaltasun osoz egin nuen.
— Aitzol Atutxa (@Atutxall) February 8, 2018
Jendeak ordea ez dakit nola hartu zuen, baten batek aurkezle eta ikusleenganako errespetu falta zela esateak eta pentsatzeak ez ninduen haserretu baina bai tristetu.
— Aitzol Atutxa (@Atutxall) February 8, 2018
Atzo egindakoaz ez naiz damutzen, ez nuen inor gaizki sentiarazteko asmoz egin, baina ziur nago ni bezalaxe aretoan zegoen jendearen artean tristura puntu bat sortuko zuela atzoko gauak.
— Aitzol Atutxa (@Atutxall) February 8, 2018
Zorionak saritu guztiei, jarraitu zuen ametsak izerdiz betetzen.
— Aitzol Atutxa (@Atutxall) February 8, 2018
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]