"Lortu dugu talde gehienak batzea eta Bilboko berbalagunen sarea sortzea"

  • 2016/17 ikasturtea abiatu dute Bilboko berbalagunek ere. 50 taldetik gora daude Bilbo osoan eta talde horietan, gutxi gorabehera, 300 bat lagunek parte hartzen dute astean behin, gutxienez, ordubetez euskaraz mintzapraktika egiten. Taldeak sare berean batu dira dinamizazio eta koordinazio lan handiari esker. Gehiago hazteko, finantziazioa behar dute. Hori dela eta, konpromiso “handiagoa” eskatu diote Bilboko Udalari.

Uriola.eus @uriolaeus
2016ko azaroaren 30a
Argazkia: Uriola

Egonkortu den proiektua da berbalagunena? Geroz eta errazago jotzen du jendeak euskaraz mintzapraktika egiteko talde hauetara?

Bai, jendeak euskaraz hitz egiteko berbalagun taldeetan parte hartzeko eskaria egiten digu. Berbalagun egitasmoak bere bezeroak dauzka, geroz eta gehiago dira gainera. Sarritan gure arazoa jende guzti hori taldeetan kokatzea da, talde asko gainezka daudelako. Gaitasun aldetik justu samar gabiltza, jendetza delako. Hazi nahi dugu, baina ezin dugu gehiegi hazi. Bilboko taldeen dinamitzaile bakarra ni naiz, elkarteen laguntza ere badudan arren.

Bilboko berbalagun taldeak sare berean bildu dira. Baduzue Udalaren laguntzarik?

Lan handia egin dugu berbalagun taldeak batzen, ganorazko sare bat muntatu asmoz Asapala euskara elkarteak, Berbaizu euskara elkarteak, Palanka euskara elkarteak eta Bilboko AEK-k. Tiraka jardun dugu koordinazio lanean. Egitura handia izatea lortu dugu, baina finantziazioa falta dugu. Orain arte Udalaren diru-laguntza oso txikia izan da, eta AEK izan da bete lana egin duena. Lortu dugu talde gehienak batzea eta Bilboko berbalagunen sarea sortzea; horren aurrean konpromisoa eskatzen diogu Udalari.

Aurreko ikasturtearekin alderatuz, berbalagun kopuruak behera ala gora egin du?

Kopuru antzekoak dira ikasturte honetan. 50 taldetik gora daude Bilbo osoan eta talde horietan, gutxi gorabehera, 300 bat lagunek parte hartzen dute.

Non dago berbalagun talde gehien?

Talde gehien Mahatserrian daude. Hau da, Santutxu, Txurdinaga, Otxarkoaga, Zurbaran eta Kastañosen. Deustun zazpi-zortzi talde daude. Zazpikaletan ere talde asko daude, Bilbo Zaharrean lauzpabost talde, Indautxun bospasei, Olabeagan talde bat, Zorrotzan hiruzpalau talde, Iralan…

Bilboko auzo guztietara zabaldu dira berbalagun taldeak?

Errekalde da gure hutsune bakarra, aspalditik. Abusun, esaterako, baliteke aurten talderen bat sortzea. Auzoko liburutegietako arduradunekin elkarlanean gabiltza berbalagun taldeak sortu eta zabaltzeko.

Zein beharrizan dute Bilboko berbalagunek? Bidelagunak behar dira?

Bidelagunak beti behar ditugu. Talde guztietan bidelagun bana egotea nahi baitugu; hori da gue erronka. Bospasei falta zaizkigu. ‘Bidelari’ esaten diegu euskara ikasten edo ikasteko prozesuan daudenei eta ‘bidelagun’ prozesuan laguntzen dutenei. Bidelaguna baliteke euskaldun zaharra, osoa, EGAduna, edo euskalduna oro har izatea. Ez da irakaslerik behar taldeetan, baina bai nolabaiteko eredu bat izatea; partaideek eskatzen dute bidelagunaren eredua taldean izatea.

Zelako profila dute berbalagunek?

Mota guztietako profila daukagu. Badira laguntzera datozen boluntarioak. Esaterako, Santutxun orain dela hamar bat urte hasi ziren boluntario batzuk eta oraindik jarraitzen dute. Beste batzuk euskaldunak dira eta, inguruan edo familian ez dutenez euskara erabiltzen, jendea eta euskal ingurunea behar dute dakiten euskara ateratzeko. Badaude beste barik kuadrilla baten bila datozenak, jende berria ezagutzera edo ligatzera datozenak… denetik dago, bizitzan bezala.

Zein adin tartekoak dira berbalagunak?

Nahiko adin tarte altua da, gazte gehiegi ez dago. 35 urtetik gorakoak dira gehienak.

Interesa duenak zer egin behar du berbalagun talde baten sartzeko?

Oso erraza da. Interneten bilatuz gero ‘Bilboko berbalaguna’ aurkituko du gure bloga edo Bilboko Udalaren web gunea, eta hortik ere badago lotura zuzena. Eskuma aldean izena emateko aukera agertzen da. Datuak bete eta nik neuk deituko diet.

Zein baldintza bete behar dute berbalagunek?

Bi gauza eskatzen diegu: batetik, euskararen ezagupen minimo bat izatea, nolabaiteko komunikatzeko gaitasuna izatea, alegia (B1 maila). Bestetik, astean ordubeteko konpromisoa ateratzea mintzapraktika egiteko taldean. Ikasturteka funtzionatzen dugu eta, pentsa, talde batzuk hamar ikasturte daramate elkarrekin. Blogaz gain, Facebook eta telefonoa ere badaude gurekin harremanetan jartzeko; beraz, aurrera!

berbalaguna.blogspot.com.es

facebook.com/berbalaguna.bilbo

607 530 132

berbalaguna@aek.eus

Albiste hau Uriolak argitaratu du eta CC-by-sa lizentziari esker ekarri dugu ARGIAra


Euskara kanaletik interesatuko zaizu...
Ikastetxeko testuinguruaren araberako euskalduntzea? Hori tranpa da

EAEn Hezkuntza Akordioa bideratzeko oinarriak aurkeztu ditu Cristina Uriarte Hezkuntza sailburuak, eta 16 urterekin ikasleek euskaraz B2 maila lortzea jarri du helburu, baina praktikan adar-jotzea dirudi: helburu mailakatua izango da, “modu progresiboan” egitekoa, “zentro bakoitzaren errealitatearen arabera”, eta gainera, egungo hizkuntza-ereduak gainditzeko asmorik gabe.


2018-02-18 | Miren Osa Galdona
Euskaraz jakitea ez dute eskatuko EAEko 340 lanpostu publikoren eskaintza berrian

PPren Gobernuak Lan Eskaintza Publiko berriaren deialdia zabaldu du. EAEn 340 plaza esleituko dira administrazioan lan egiteko. Euskara ez da aintzat hartuko, ez behintzat eskakizun gisa. Javier de Andres Espainiako EAEko ordezkariak garbi utzi du neurri horren zergatia: “Madrildik iritsitako lan eskaintza denez, ez ditugu autonomia erkidegoetako hizkuntzak eskatu; ez da beharrezkoa”. Modu honetan postua lortzeko aukerak “errazagoak” direla nabarmendu du... [+]


2018-02-18 | Dabi Piedra
Fikzioa euskararen territorio libre

Paul Urkijoren pelikula berrian, pertsonaia bakoitzak hizkera bat darabil, istorioaren aberasgarri. Arabako euskara zaharra ere berpiztu dute. Film luzea martxoaren 2an emango dute lehen aldiz.


2018-02-16 | Lander Arbelaitz
Asimilatu nahi gaituzte, zer egingo dugu?

Herri gisa gainera datorkigunak ez du itxura onik, nere ustez behintzat. Orain egun gutxiko albiste batzuk aipatuko ditut. Batetik, Espainian Ciudadanos alderdiak, Ibex 35aren jostailu politiko neoliberal berriak, proposatuko du legez Euskal Herrian langile publiko izateko ez dadila beharrezko izan euskara jakitea.


Trebi˝uren eskutitza gurasoei

Arabaren bihotza. Mapetako hutsunea. Zulo beltza. Zortzigarrena. Salbuespena. Nahi eta ezina. Ahal eta nahi eza. Finean, Trebiñu.


Aurre-matrikulazioa Nafarroako ikastetxeetan: A ereduak gora, euskarak behera

Nafarroan, A ereduak gora egin du, eta D ereduak behera, batez ere hezkuntza-sare publikoan. 2017ko matrikulen datuekin alderatuta, A eredua %18,8tik %19,8ra igo da, eta D ereduan izen emandako hiru urteko ikasle kopurua %30,7tik %29,4ra jaitsi da.


2018-02-13 | Euskal Irratiak
Euskal Elkargoaren hizkuntza politika apirilean aurkeztu behar lukete, Arrabiten hitzetan

Hautetsiak eta euskalgitzako eragileek osatu lan batzordeak ari dira norabide hauen lantzen, Beñat Arrabit, Euskal Elkargoko hizkuntz poltikarako arduradunak, Amikuzeko irratiaren estrenan azpimarratu daukun bezala.


2018-02-12 | Aitor Montes
Quebec ez da Euskal Herria, Tutera ez da Ottawa

Urriaren amaieran edo azaroaren hasieran joan ginen Lehendakaria eta biok , bakoitza bere aldetik, Kanadara. Lehendakaria Quebecera, lehen ministroarekin biltzeko. Ni Ottawara, Quebecetik at bizi diren frantses hiztunen komunitatearen osasun arloko jardunaldietara.


2018-02-12 | ARGIA
Euskal Herrian langile publiko izateko euskararen ezagutzarik ez eskatzea proposatuko du Ciudadanosek

Espainiako Kongresuan lege proposamena aurkeztuko du aste honetan Ciudadanosek, gaztelania ez estatuko beste hizkuntza koofizialak –euskara, katalana eta galiziera– ez daitezen eskatu administrazio publikoko lanpostuak lortzeko orduan. Beren hitzetan hizkuntza hauek “hesi bat” dira.


ETBk gaztelaniazko programazioa lehenesten du

Euskal Telebistako programen prezioari behatuz gero, konturatuko gara ETBk bere bigarren katerako edukietan askoz gehiago inbertitzen duela euskarazko saioetan baino. Bikoitza, zehazki.


Azkenak
EGILEA
Eguneraketa berriak daude