Koi Sushiko borroka: Langileon Autodefentsa Sarearen garaipena Iruñean
Borrokaldia hasi zuen ekainaren 12an Iruñerriko Langileon Autodefentsa Sareak Koi Sushi jatetxe katearen kontra, langile bati zor ziona ordain ziezaion. Asteazkenean helburua lortu dute eta sare sozialetan eskertu du langileak berak.
Miguel izeneko langilea Iruñeko Koi Sushi jatetxeko banatzailea zen. Nagusiek egindako hainbat bidegabekeria salatu zituen Autodefentsa Sarean: kontratuan zegozkion orduak baino gehiago lan egin behar izatea edo oporrik ezin hartu izana. Enpresari egoera azaltzerakoan, “bere kontrako etsaitasun giroa areagotu” zuten, egin behar ez zituen lanak egitera behartuz, kaleratu zuten arte.
Kaleratzea, ordea, ez zuen sinatu Miguelek, behar baina gutxiago ordainduko ziotelako, eta orduan hasi zuten borrokaldia Autodefentsa Sarearekin. Hilabete eta erdiz “Koi Sushi ordaindu zor duzuna” leloarekin kontzentrazioak egin dituzte jatetxe aurrean, esku-orriak banatuz.
Azkenean Migueli ordaindu diote zor ziotena, eta esker mezuak zabaldu ditu sare sozialetan. Bai Miguelek eta bai Autodefentsa Sareak azpimarratu dute “gure interesak defendatzeko modu bakarra modu kolektiboa dela ulertzen dugu, gaurko honetan erakutsi dugun bezala, eta honetan jarraituko dugu: Bakarrik ezin, elkarrekin aitzin”.
Eredu berri honen arrakasta azpimarratu dute, eta hedatzen ari dela ohartarazi. Izan ere, lehengo astean Donostian Babes Sarea sortu zuten, Iruñeko ereduari jarraituz. Eredu berriak, betiko eredua jarraitzen du: arazo indibidualak modu kolektiboan landuz, klase elkartasunean oinarrituz.
Borrokaldiko bideoa:
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.