‘Kafe Aleak’ argitaratu da, 121 musika zaleren testuak biltzen dituen “disko isila”
121 lagunek beste hainbeste diskori buruz idatzitako testuak bildu dituzte Kafe aleak liburuan. Kafea eta Galletak egitasmoko kideek, Ibon Rodriguez Garciak eta Leire Lopez Ziluagak, atzo aurkeztu zuten liburua Bilbon.
Kafea eta Galletak, egitasmo bezala, 2008an sortu zen. “Diskoak elkarrekin entzun eta sortzen ziguten lilura partekatu nahi genuen”. Eta horretarako diskoak leku publiko batean (Gernikako Astran) entzuten hasi ziren, bolumen onean eta ondoren, horiei buruzko tertulia egiten. Lehenbiziko emanaldian, Xabier Montoiak kontzertua eskaini zuen eta geroztik Kafea eta Galletaken jo duten musikariek aukeratu dute zein disko entzun saio bakoitzean.
Baina harago joateko gogoa zeukaten: “Kafea eta Galletaken saioetan taldeek baino ez dute diskoa aukeratzeko beta, eta gogo handia genuen bestelako jendearekin ere zerbait egiteko: saioetara etorri direnak, kontzertuetatik ezagutzen ditugunak, gustatzen zaizkigun gauzak egiten dituzten pertsonak”. Esan eta egin: zerrenda luze bat osatu eta proposamenak bidaltzen hasi ziren: disko bat aukeratu eta hari buruz idatzi. “Nahi zuten ikuspegitik idazteko esan genien: musikala, pertsonala, politikoa, dena batera”.
Jasotako testuen bilduma honek “musikari aktibo-entzule pasibo” araua puskatzea da liburuaren helburuetako bat, koordinatzaileen esantean. Horregatik, liburuan musika zaleak dira nagusi, musikarien aurretik.
Izen ezagunak daude testugileen artean, besteak beste, Slavoj Zizek filosofo esloveniarra. Baina Euskal Herrikoak dira egile gehienak: Iban Zaldua, Maite Arroitajauregi, Kattalin Miner, Bego Montorio, Beñat Sarasola, Igor Elortza, Myriam Garzia, Ainara Lasa, Fermin Etxegoien… Baita ARGIAko kazetari Garbine Ubeda eta Gorka Bereziartua ere.
Idatzi duten emakumeak %25 dira liburuan eta horrek “min handia” eman die koordinatzaileei. “Kafea eta Galletaken publiko gehiena emakumezkoa da, joaten garen gainerako kontzertuetako ia erdiak ere. Baina musika taldeetan, testugintzan, diskoetxeen kudeaketan, disko-dendetan eta abar emakumeek gutxiengo izaten jarraitzen dute gurean”.
Liburua atalka argitaratuko dute Kafea eta Galletaken webgunean eta argitaratu aurretik erosi zuten mezenasen bidez zabalduko da paperezko bertsioa.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]
Espainiako lau pertsonaren gorpuak identifikatu dituzte. Urduñako desobiratze lanak 2024ko abenduak amaitu ziren eta guztira 93 pertsonaren gorputzak berreskuratu zituzten. Aurkikuntza berriekin, hamazazpi pertsona dira jada identifikatu dituztenak.
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Green Capital Development enpresak bi urte izango ditu proiektua egikaritzeko, baina aurretik jarduera edota obra udal baimenak eskuratu beharko ditu.
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
AEBen bitartekaritzarekin larunbatean adostutako su-etenak badirudi bi aldeen arteko tentsioa murriztu duela. Halere, Narendra Modi presidenteak ohartarazi du Indiak ez dituela ekintza militarrak amaitu, baizik eta "eten tarte baterako". Islamabadeko eta New Delhiko... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Elkarteak salatu du okupatutako etxebizitza 1.615.000 euroan erosi zela 2021ean, eta egun 2.980.000 euroAn saltzen dela. Okupazioak iraun bitartean, espekulazioak sortzen dituen arazoez mintzatu dira etxeko egongelan. Balkoian Espekulazioa: biztanleentzat etxebizitzarik ez... [+]
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.
Enigma Green Power enpresak proiektatutako zazpi parke eoliko eraikitzearen aurka agertu zen Odieta, Olaibar, Anue eta Esteribarreko bizilagunek osatutako Haize Berriak plataforma. Bost megawatteko potentzia elektrikoa eta 195 metroko altuera duten aerosorgailu horiek "kalte... [+]
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]