Bilboko Izarbeltz Ateneoa hustu dute
Polizia Iralako Izarbeltz espazio autogestionatua hustu du goizean. Ateneoaren kanpoaldetik pasatu den pertsona batek eman dio URIOLARI desalojoaren berri, eta Komite Internazionalistak sare sozialen bidez ere albistea zabaldu du.
URIOLAk jakin duenez, jabearen salaketaren ostean Ertzaintzaren furgonetak eta Udaltzaingoaren hainbat kotxe hurbildu dira Izarbeltzera 08:45ak aldera. Gunea prezintatu eta barrualdera sartu dira.
Sare sozialetatik Andres Isasi kaleko 15 zenbakian dagoen Izarbeltzera gerturatzeko deia zabaldu dute.
Ondoren, 12:30ean, elkarretaratzea egon da udaletxe aurrean eta 19:30etarako manifestazioa deitu dute Zabalburutik abiatuta, desalojoa errefusatzeko.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
.jpg)
