Indarkeria matxistaren aurkako planak Nafarroako alderdi guztien babesa du
Nafarroarako indarkeria matxistaren aurkako plana aurkeztu zuen Ana Ollo Herritarren eta Instituzioen arteko Harremanen kontseilariak urtarrilaren 24an batzorde parlamentarioan. Egoera horien aurrean “erantzun instituzionala hobetzea” bilatzen dutela azaldu du Ollok.
Parlamentuko taldeen babesa jaso du 22,5 milioi euroko aurrekontua izango duen planak. Sei urtean 80 neurri garatu nahi dituzte. Hori aurrera ateratzeko arlo horretan inplikatuta dauden emakumeekin “lan handia” egin dela esan du Ollok.
Erabaki horrekin Nafarroako Gobernuak heteropatriarkatuaren biolentziari aurre egiteko neurriak jarri nahi ditu indarrean. Biolentzia fisikotik haratago dauden arazoei aurre egin nahi diete. Emakumeen eta haien zaintzapean dauden pertsonen segurtasuna eta babesa hobetzearen alde egingo dute.
Genero berdintasuna politika publikoetan txertatzea, genero biolentzia egoerak jasaten dituzten emakumeekiko jardunbideak bateratzea, osoko arreta eskaintzea, indarkeria identifikatzeko formazioa ematea eta instituzioen koordinazioa bultzatzea dira helburuak.
Parlamentuko alderdi denak planaren alde agertu dira. UPNko Ana San Martínek “orban honekin amaitzea” desiratu du indarkeria matxistaren inguruan ari zela. EH Bilduko Bakartxo Ruizek “salto kualitatiboa” eman dela adierazi du, baina aurrekontua gehiago xehatu behar dela. Bestalde, Geroa Bai, Podemos eta Izquierda-Ezkerrak lan on bat egin dela nabarmendu dute, planarekiko balorazio positiboa eginez.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.