"Konponbidearen alde, eskubide guztiak" aldarrikatu dituzte milaka lagunek Bilbon
Segiren kontrako epaiketa eta 'Herriko tabernen auzia' salatzeko milaka herritar elkartu dira Bilboko manifestazioan, “Konponbidearen alde, eskubide guztiak. Libre! Epaiketa politikorik ez” lemapean.
Bilboko Kale Nagusian hasi eta Udaletxe parean bukatu da mobilizazioa. Laranja kolorea izan da nagusi ibilbide osoan; “libre” dioten kamiseten kolorea. Martxa bukatu ostean, Floren Aoiz eta Garazi Rodriguez auzipetuek hartu dute hitza. Errudunak direla aitortu dute. “Errudunak gara, aro politiko berria bultzatzearen errudunak”, esan du Aoizek.
“Demokrazia” aldarrikatu dute eta Espainiako Estatuari dei egin diote: “Ez da jendea kartzelara sartzeko garaia. Gatazkaren konponbidea bilatzeko garaia da”.
Diotenez, aurrera “pozik” eta “baikor” jarraituko dute. “Edozein ekaitzi aurre egiteko gai gara”, azaldu du Rodriguezek.
Irati Mujika eta Idoia Iragorri, gainontzeko auzipetuekin bat
Irati Mujika, Idoia Iragorri, Goizane Pinedo eta Unai Ruiz gazte auzipetuek uko egin zioten Espainiako Auzitegi Gorenak epaitzeari, "zilegitasunik gabeko erakundea" delako. Ezkutuan daude orain laurak, baina Mujika eta Iragorri manifestazioan azaldu dira, gainontzeko 36 gazte auzipetuekin batera.
Ruiz eta Pinedo ez egon arren, gogoan izan dituzte. Lau puxika erraldoietan lau gazteen izenak idatzi eta martxa osoan beraiekin eraman dituzte. Bukaeran, puxikak askatu eta airera bota dituzte.
Topatu.info-k egindako bideoa.
Madriletik elkartasuna
Madrilgo Libre plataformak deituta, hainbat pertsonek elkartasuna adierazi diete epaiketetan auzipetutakoei eta "Errepresioa stop. Epaiketa politikorik ez. Gazteriaren kriminalizazioari ez", lelopean manifestazio egin dute Madrilgo kaleetan. "Bizikidetza demokratikorako oinarriak" ezarri eta "aniztasun politikoa" defenditu behar direla aldarrikatu dute.
“Inoizko [EAEko] parlamenturik abertzaleena” vs. “Independentismoa minimo historikoetan dago”. Bi baieztapen horiek azken aldian entzuten ditugu, eta areagotu dira Araba, Bizkaia eta Gipuzkoan apirilaren 21ean izandako hauteskundeen ondotik. Bi esaldi... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]
Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]