Hamar alkatetik zortzi gizonezkoak izanen dira Hego Euskal Herrian
Udaletako aginte postuetan emakumeen presentzia txikia izanen da hurrengo lau urteetan Hego Euskal Herrian. Hamar alkatetik bi baino ez dira izanen emakumeak.
Eitb.eus-ek argitaratu ditu datuok, infograma batekin batera, Espainiako Gobernuko Administrazio Publikoetarako Estatu Idazkaritzaren Alkateen Errolda aztertuta.
Hauteskundeetako zerrendaburuen artean %32,58 ziren emakumeak, baina kopuru hori jaitsi egin da hauteskundeen ondoren. EAEn udal guztietatik laurden bat gobernatuko dute emakumeek. Eta Nafarroan berriz, kopurua are txikiagoa izanen da: udalen %21,15ean izanen da emakumea alkate.
Berdina gertatu da hiri handien kasuan. EAEko hamar hiri handienetako udaletan, esaterako, bik soilik izanen dute emakumezko alkatea.
Udalen datuek ez dute Hego Euskal Herriko demografiarekin bat egiten, bai Nafarroan eta Baita EAEn populazioaren erdia baino gehiago emakumeak baitira.
Portzentajeek erakusten dutenez, badirudi alderdi politikoek, orokorki, ez dutela udalen osaketan parekotasun eraginkorraren hautua egin. Urrun dago oraindik instituzioetan emakumeen eta gizonezkoen presentzia berdintzeko helmuga.
Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan gizartean gertatu den aldaketa sakona”, adierazi du Barkosek,... [+]
Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.
Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.
Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.