EHUrentzako aurrekontu handiagoa bideratzeko eta unibertsitateari erabaki ahalmen handiagoa emango dion "marko propioa" lantzeko eskatu die Iñaki Goirizelaia EHUko errektoreak Eusko Legebiltzarreko alderdiei.
2014ko aurrekontuen tramitazioan, EHUrentzako partida hobetzeko "ahalegina egin dezatela" eskatu die Goirizelaiak legebiltzarkideei. Errektoreak nabarmendu duenez, 2012tik aurrerako murrizketak medio, 2013. urtea "oso zaila" izan da.
Halaber, diru-laguntzei dagokienez beheranzko joera geratu egingo den arren, 2014an ezin izango dute 100 lagunen kontratazioa aurreikusten zuen plana gauzatu. Gaur arte egindako kontratazioak mantentzeko, "doikuntzak" egingo dira, errektorearen hitzetan.
Besteren artean, Goirizelaiak esan du "zail" ikusten duela EHUren campusen garapen-plana aurreikusitako epeetan amaitzea, eta Araba eta Gipuzkoako zentro teknologikoak ez dituztela 2015a baino lehen eraikiko.
Duela bi hilabete, unibertsitatea "gorabehera politikoen" menpe egon ez dadin, alde guztiek "ibilbide luzeko ituna" adostu beharko luketela esan zuen Goirizelaiak. Zentzu horretan, finantzaketa publikoa murriztu egin denez, pribatua indartzeko asmoa agertu du EHUk.
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]