Gasteizen ikusi den manifestaldirik handiena?

  • Goizeko 7:00ak jo aurretik, dozenaka emakume* bildu dira Gasteizko Mugimendu Feministak eginiko deialdiarekin bat eginez. Kaleetan zehar doaz auzoak morez koloreztatzen, esnatzen, grebarako dei egiten.

Karla Pisano
2018ko martxoaren 09a
Gasteizen, arratsaldeko manifestazioa. Argazkia: Arabako Alea.

Hasieratik, ordea, poliziaren presentzia altua izan da eta lau emakume identifikatuak izan dira; horien artean kazetari bat zegoelarik. 11:00etan deituriko lanuztearen aurretik, kontsumo greba aldarrikatu dute emakume* gasteiztarrek, zenbait denda multinazionaletan sartuz eta musika, esku-orri zein oihuekin, hauen itxiera bultzatuz. Ekimenak eta mobilizazioak, Gasteizen ez ezik, Arabako txoko guztietan egon dira; Lautadan, Mendialdean, Arabar Errioxan, Aiaraldean eta Gorbeialdean, hain zuzen.

Lehenengo lanuzteak, bide eman die ikasleei kaleak hartu eta deialdi orokorretara batzeko. Izan ere, hainbat izan dira hezkuntza zentroetatik Andra Mari Zuriaren plazara gerturatu diren ikasle zutabeak. Bertan, 12.000 pertsona batu dira "ekintza sinboliko" bat burutzeko. Ekintza, ordea, sinboliko izatetik efektiboa izatera igaro da, 30 bat emakume* INSS-ean, (Gizarte-segurantzako finantza-sailean) giltzaperatu eta Dato kale inguruak emakumeen* eserialdiak bete dituenean. Antolatzaileek iragarri bezala, ez zuten bertatik altxatzeko asmorik "arduradunarekin hitz egin ezean"; sail honek "erdigunean bizitza jarri beharko luke merkatua beharrean".

Zaila gerta daiteke Gasteizko kaleetan aurkitu dugun mosaikoa osatzea: Ikasleen "Gora emakume langileon borroka" leloa eta iruditegi zapatista, etxeetako zaintza zerbitzuko emakumeen mantala txuriak, lurrean eseri eta altxatzeko asmorik ez duten emakumeen* aurpegiak, desegin eta berregiten diren batukadak, maraka hotsak, emakume* ahotsak … Mugimendu Feministak deituriko ekimenez gain, dozenaka espresio autonomo eta hamaika aldarri ikus zitezkeen kaleetan.

Bazkal ordurako, jendearen gehiengoak alde egin badu ere, zenbait emakumek* Gasteizko Gaztetxean bazkaldu eta Hala Bedi tabernan kafea hartu dute; Kutxiko tabernarien elkartasunak lagunduta. Bada, antolatzaileek hainbatetan adierazi bezala, "lan erreproduktiboak egiteari uzten diogunean", orduan, sortzen dira eztabaidak, zalantzak eta zenbaitetan, alternatiba gauzagarriak. Behin indarrak hartuta, neska* gazteek blokea osatu dute eta Gaztetxetik abiatu dira manifestaldiaren lekura arte. Bertan, milaka pertsona zeuden zain, San Anton plazara hurbildu ezinean; udaltzaingoaren arabera, espero eta aurreikus zitekeen guztiaren gainetik, 70.000 pertsonek hartu zuten parte. Bertaratutako hainbaten iritziz, "Gasteizen ikusi den manifestaldirik handiena" izan daiteke, hamarkadetan egon diren greba orokorretakoak baino handiagoak, alegia. Traktoreak, kamioiak, pankartak, buruberoki moreak eta mota guztietako aldarri eta oihuak entzun ziren atzokoan: Biolentzia patriarkalaren kontrakoak, patronalaren kontrakoak, euskal preso politikoen aldekoak...

Manifestaldiaren burua Foru plazara heldu denerako, atzealdeak oraindik metro gutxi batzuk eginak zituen. Ekitaldiari hasiera eman diote, hala ere; lehertzear zegoen plazaren aurrean "Hau historikoa da!" oihukatu du hizlariak, arnasa hartu eta segundo batez mundua gelditu dela dirudi. Eta orduan, gogora etorri zaizkit kapitala zokoratu zuten emakumeak*, Klara Zetkin, Rosa Parks, Berta Cáceres. Baina baita euren izenak inoiz ezagutuko ez ditugun emakumeak*; ehundegietako lantegietakoak, Errusian "ogia, bakea eta askatasuna" oihukatuz iraultza egin zutenak, etxeko lan erreproduktiboen itzalpean egon direnak, indar kolonizatzaileen aurka eta euren gorputzen askatasunaren alde borrokatu dutenak... Horrelako zerbait imajinatu zezaketen? Arnasa hartu dut berriro. Ez, mundua ez da gelditu, baina hemendik aurrera mugimendu horren motorea beste bat delakoan nago, eta honek ez du atzera bueltarik.

Kanal hauetan artxibatua: M8 greba feminista  |  Gasteiz

M8 greba feminista kanaletik interesatuko zaizu...
2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


Fauna publikoa
Kartolak jantzita

Bergarako Martxanterak talde feministak eman dizkion erantzunengatik iritsi naiz Oihan Vegaren iritzi-artikulu batera, “M8, eta orain zer?” du titulua, pixka bat Leninen Zer egin? hura bezala, baina komunismorik gabe, zeren komunismoak ere ez baitu, Vegaren esanetan, matxismoa desagerrarazten –Twitterren irakurri diot erromeriako esplikazio hori, artikuluak eragindako polemikaren erantzunetan–, eta beraz, galdetzen du –berriz ere artikuluan–, zergatik salatu... [+]


2018-03-25 | David Bou
Armak eman ditzagun

Orrialde honetan idaztea proposatu zidatenean hainbat dudak harrapatu ninduen, gauza bat ebatzi behar nuen oroz gainetik. Sailean nor ordezkatzen nuen, ahots maskulinoen aldean ahots femeninoen pisua ezagutu nahi nuen. Erantzuna egokia izan zen.

Inork ez dezala pentsa, idazteko aukera eman zidatela nire pribilegioen oso kontzientea naizelako, aitzitik, lagun feminista bati aspaldian entzun nizkion hitz hauek burrunba egin zidaten: “Zure ustez, zer egin dezakegu gizonok borroka horretan... [+]


2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


2018-03-19 | Unai O˝ederra
M8ko greba feministak erakutsi diguna

Ez nuen oroitzen koadrilan guztiok gizonak ginela; martxoaren 9an konturatu nintzen. Afal aurreko poteoan txantxak, txisteak. Afal orduan, txotx deietan, “utzi pasatzen horiei, bestela…”, neskak zetozenean. Orduek aurrera egin ahala, iragazkiak ezabatuak, barruko minak, haserreak, erresistentziak, jarrera erreaktiboak. Bezperan, feministek Euskal Herriariari orri bat oparitu zioten mobilizazioen Guinness errekorren liburuan, eta koadrilan, pozez zoratzen ospakizunetan egon... [+]


Artxoak 8

Gu. Isildutako ahotsen jabe. Historia eta zientzia liburuetatik ezabatutakook. Gu. Erabaki guneetatik baztertutakook. Eremu pribatuan giltzapetuok. Prekarietatera kondenatuok. Lan berdinaren truke gutxiago kobratzen dugunok. Gu. Kontsumitu daitekeen objektu sexualtzat hartuok. Begirada lizun eta iruzkin zikinen xede. Gu. Bigarren planora baztertuok. Beldurrean heziok. Gau eta egun musu-truk lanean aritzera bultzatuok. Gu irainduok, jipoituok, bortxatuok, erailok. Gu… Gu,... [+]


2018-03-18 | Estitxu Eizagirre
Martxoak 8, greba feminista
Zapalduenek plaza hartu zutenekoa

“Nondik edo handik lehertu behar du”, “iraultza baterako baldintza objektibo guztiak daude”, “jendea bizitzeko hain larri egonik, nola ez du kaleak irakiten?”. Ezkerreko gizarte mugimenduek bilatzen zuten bizi baldintzak zukutzen ari den kapitalismoari kalean planto egiteko modua. Eta M8 Grebarekin gertatu da: gainezka egin du kaleak. Ezer ez da kasualitatea izan, eta aldi berean, inork aurrez irudikatuko ez zuena gertatu da, masa mugimenduetan ikustera ohitu... [+]


Martxoaren 8an mundua "gelditu" ostean "eraldatzeko" unea dela esan du mugimendu feministak

Greba feminista "egun historikoa" izan zen, greba eredua bera "birpentsatzeko" baliagarria, "aniztasunaz eta pribilegioez" ohartzekoa. Aurrera begira, Euskal Herriko mugimendu feministaren "interlokuzio gaitasunean" sakondu nahi dute.


Azkenak
EGILEA
Eguneraketa berriak daude