Ezetzak erreferendumean izaniko indarrak Renziren dimisioa eragin du

  • Italiako lehen ministro Matteo Renzik dimisioa aurkeztuko du Italiako Konstituzioa aldatzearen inguruko erreferendumean ezetza gailendu ondoren. Bozen ia %60 lortu du oposizioak defendatzen zuen ezezkoak, %68ko parte hartzearekin.


2016ko abenduaren 05an - 10:28
Renzi dimisioa aurkeztuko duela azaldu duen prentsaurrekoan.

Renziren gobernuak bultza nahi zuen konstituzioaren erreformak 139 artikuluetatik 47tan aldaketak eragingo lituzkeen. Besteak beste senatuaren funtzio legegilearekin amaitu nahi zuen, gobernuak lege berriak onartzeko erraztasun gehiago izateko.

Gaueko hamabiak igarota, oraindik emaitza ofizialak argitaratu gabe, Renzik bere porrota onartu eta astelehenean Sergio Mattarella errepublikako presidenteari bere dimisioa aurkeztuko diola aurreratu zuen: “Nire gobernuaren esperientzia hemen amaitzen da”.

Orain, presidentearen esku dago Italiaren etorkizuna. Dimisioaren alternatibetako bat Alderdi Demokratak eta Zentro-eskuin Berriak osatutako koalizio gobernuak jarraitzea da, lehen ministro berri batekin.

Forza Italiatik eta 5 Izarren Mugimendura, oposizioak blokean egin du Renziren dimisioaren alde. Legealdia 2018ko otsailean amaitu beharko litzateke, baina hauteskundeak aurreratzeko aukerak gora egin dute. 5 Izarren Mugimenduko buru Beppe Grillo hauteskundeak “lehenbailehen” egitearen alde agertu da.

Europar Batasunaren aldeko gobernuburua izan da Renzi eta bere dimisioak beste krisi egoera bati ireki dizkio ateak. Brexitaren kolpetik errekuperatu ez den EBk beldur handiz ikusten zuen erreferenduma eta baietzaren porrotak zalantza piztu du euroguneko hirugarren potentzia ekonomikoaren inguruan. Eskuin muturreko Liga Norte alderdiko Matteo Salvinik “eurokrazia eta  botere finantzarioak” ere garaituak izan direla adierazi zuen.


Kanal honetatik interesatuko zaizu: Italia
Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


4.000 urteko ezpain-margoa

Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko  barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]


Harakin eta zirujau

Erroma, 1215eko apirila. Laterango IV. Kontzilioan, Eliza Katolikoak apaiz eta monjeei kirurgia egitea debekatu zien, besteak beste. Aurreko kontzilioetan ere, Reimsen eta Toursen, gaia landu zuten, lekaideek soilik arimak salbatzeaz arduratu behar zutela eta gorpuen salbazioa... [+]


Etruriar emakumeak greziarren begietan

Grezia, K.a. IV. mendea. Hainbat greziar pentsalarik, esaterako, Aristotelesek edo Heraklidesek, etruriarrei buruz idatzi zuten, Italiar penintsularen erdialdean eta iparraldean bizi zen herriari buruzko iritzi negatiboa jasoz. Etruriar emakumeak kritikatu zituzten bereziki, eta... [+]


Eguneraketa berriak daude