Evaristo abeslaria identifikatu du Guardia Zibilak kontzertu baten ostean
Guardia Zibilaren arabera, salaketa baten berri emateko gelditu zuten Gatillazoko abeslaria Jerezen, Primavera Trompetera jaialdiaren baitan. Publico hedabideak, ordea, jaialdiaren antolakuntzari galdegin dio salaketari buruz eta honek halakorik ez zela izan baieztatu dio. “Ez da inongo salaketarik izan. Soilik, identifikazioa eskatu zioten”.
aurre egingo dieten hedabide independenteak
Festival Primavera Trompetera jaialdiaren amaieran atxiki zuen Guardia Zibilak Evaristo. Antza, haren abestietako letrengatik. Evaristok 30 urte baino gehiago daramatza taula gainean. Atxilotu egin zutela zioten lehen zurrumurruek, baina Willy Toledo aktoreak gezurtatu egin zuen informazio hori. Aldiz, identifikatu egin zuten.
Jon Iñarritu EH Bilduko senatariak twitterren jakinarazi du interpelazioa erregistratu dutela, informazioa eskatuz. Beste hainbat erabiltzailek ere egungo “errepresioa” salatu dute sare sozialetan.
“Bere abestien hitzengatik" Guardia Zibilak Evaristo Paramos atxiki duela eta, Gobernuari zuzendutako interpelazioa erregistratu dugu, informazioa eskatuz.#AdierazpenAskatasuna 🗣📢#Elkartasuna 🤝✊🏻 pic.twitter.com/8kkASClEuP
— Jon Inarritu (@JonInarritu) May 27, 2018
Espainiako Estatuaren atzerakada autoritarioaren adibide paradigmatikoa: Evaristo atxilotu dute Jerezen, kontzertu baten ondoren, haren abestien letrengatik, halako letrak abesten 37 urte daramatzan artista https://t.co/edu7wM4Cpg
— Juan Kruz Lakasta (@jklakasta) May 27, 2018
