Euskararen normalizaziorako plana abiarazi dute Baionako ospitalean
Baionako Euskal Kostaldeko Ospitaleak (CHCB) euskara normalizatzeko plana abiarazi du.
Michel Glanes ospitaleko zuzendariak esan du euskara normalizatuko dutela, bertako bezeroei “harrera, arreta eta zerbitzuak” euskaraz eman ahal izateko. Ospitalean Euskaraz boluntario taldeak bultzatu du ekimena, Sudouest agerkariak argitaratu duenez.
Bere langileen artean dagoen euskara erabilera neurtzeko inkesta bat egin eta Ipar Euskal Herrian normalizaziorako neurriak hartzen lehena izan da Baionako ospitalea.
Telefono arreta zerbitzuak, ospitaleko barne eta kanpo seinaleak eta ongi etorri liburuxkak ere euskaratuta egongo dira.
Txapak identifikatzeko
Euskaraz hitz egiten duten langileak identifikatzeko txapak erabiliko dituzte, batzuek “Euskaraz mintza gaitezke” eramango dute eta beste batzuek “ Euskara ikasten ari naiz”.
Glanesek uste du egokia dela hizkuntzaren erabilera terapeutikoa: “Momentu batzuetan edozein motibaziori heldu behar zaio sendatu edo bizi ahal izateko, eta horretarako ona izan litzateke”.
Urtez urte eta belaunaldiz belaunaldi hitzak aldatzen doaz, eta horiekin batera hitzen esanahia. Modu asko daude norbere burua izendatzeko: soropil, biziosa, marioker, ez-binario, maritxu, eta beste. Pertsona sexu-genero disidenteen beharrak asetzeko euskara zikintzeaz eta... [+]
Gure kuadrillan, gazteagotan, askotan komentatzen genuen galtzera ohituta geundela. Hamaika gatazka txiki zein handitan murgilduta ibili ginen, ia beti arrazoiz jantzita eta irudimen handiz, baina gehienetan galdu. Pentsa! Guggenheimen aurkako plataforman aritu ginen Guk geuk... [+]
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]