Foro Sozial Iraunkorrak ekitaldia antolatu zuen asteartean, urriaren 17an, Aieteko Nazioarteko Konferentziaren seigarren urteurrena dela eta. Bake prozesuan emandako aurrerapausoak eta etorkizunean landu beharreko erronkak finkatu zituzten. ETAren urrats batek lukeen garrantzia ere nabarmendu dute.
Hemendik aurrera jorratuko diren helburuak zehaztu zituzten. Hiru izango dira nagusiak: indarkeria mota guztien biktimekin bat egitea; presoak, deportatuak eta iheslariak gizarteratzea; eta, azkenik, iraganaren irakurketa kritikoa egitea, bi aldeak kontuan izanik. Horretarako, euskal agintarien, presoen eragileen eta gizarte zibilaren borondatea funtsezkoak izango direla adierazi dute.
Halaber, Foro Sozialaren eskumenetatik kanpo egon arren, ETAren aurrerapausoek izan dezaketen garrantzia azpimarratu dute antolatzaileek: “Erabateko armagabetzea eta militanteen gizarteratzea aurrera begira emango diren gertaerak izango direlakoan gaude”.
Brian Currin Nazioarteko Harreman Taldeko presidenteak azken urteetan gertatuko den “konfiantza eraikuntza” nabarmendu du: “Euskal Herrian lanean hasi ginean, gizartearen komunikazio eza izugarria zen. Bi aldeen arteko elkarrizketa ezinezkoa zena. Ezkortasun sentsazio handia zegoen. Lan asko egin da honaino iristeko”.
Orain dela sei urte, 2011eko urriaren 17an, nazioarteko sei ikuskatzailek ETAren jarduera armatuaren amaieraren berri eman zuten Aieteko Nazioarteko Konferentzian.
Adierazpena egin du euskal ezker independentistak, Aieteko Adierazpenaren eta ETAren indarkeriaren amaieraren 10. urteurrena dela-eta. Arkaitz Rodriguezek eta Arnaldo Otegik irakurri dituzte hausnarketak. ETAren indarkeriak eragindako biktimei aipamen berezia egin diete, eta... [+]
Urriaren 17an hamar urte bete dira, Aieteko bake konferentzia egin zenetik. Urteurrenaren harira nazioarteko jardunaldiak antolatu dituzte, ostegunean Donostiako Aieteko jauregian hasi eta larunbatean Baionako Henri Grenet aretoan amaituko dira. Giza eskubide eta bake... [+]
Urriaren 17an beteko dira Euskal Herriko Gatazka Konpontzeko Nazioarteko Konferentzia egin zela Aieteko jauregian, Donostian. Urteurren horren kari, nazioarteko jardunaldiak antolatu dituzte hainbat eragilek, "bakeak Euskal Herrian eta mundu zabalean dituen erronkei... [+]
Zertan da bake prozesua? Galdera horri erantzun diote Euskal Irratiek egindako erreportajean.