Ernaiko sei kidek eta Periko Solabarriak Espainiako Auzitegi Nazionalean deklaratuko dute


2013ko abuztuaren 22an - 00:00
Azken eguneraketa: 2015-02-26 13:37:33
Irailaren 19an deklaratu beharko dute Ernaiko sei kidek, baita Solabarriak ere. Argazkia: eitb.com

Irailaren 19an deklaratu beharko dute Ernaiko sei kidek, baita Solabarriak ere. Modu honetara Auzitegi Nazionalak auzi bakarrean batu ditu webguneari eta Gazte Danbadari zegozkien kasuak. Bietan “terrorismoa goratzea” egozten diete gazteei, Xabier Lopez Peña eta Angel Figeroaren heriotzen ostean egindako adierazpenengatik.

Bestetik Ernairen aurka egiteko txosten bana osatu dute Espainiako Poliziak eta Guardia Zibilak. Jarrai, Haika eta Segiren oinordeko izatea egozten diote ezker abertzaleko erakunde berriari.

Antolakundeak igorritako ohar batean, argitu dute ustez deklaratzera deitutako kideetako inork ez duela jaso oraingoz jakinarazpen ofizialik. Gehitu dute, estatuak betiko lan eskema berdinekin jarraitzen duela eta Euskal Herrian irekita dagoen joko zelai berrian komponbidearen alde urratsak eman ditzakeen edozein mugimendu zangotrabatzeko prest dagoela. Zentzu horretan oso larritzat jotzen dute, Estatuak Ernairen aurka abian duen kriminalizazio kanpaina.


Kanal honetatik interesatuko zaizu: Ernai
Ernaik salatu du Zelaia eta Barbadoren atxiloketan herri oso bat makurrarazteko estrategia bat dagoela

Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.


Ernaiko kideak Bilbon eta Gasteizen kateatu dira, Barbado eta Zelaiaren espetxeratze aginduaren kontra

Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.


2023-04-30 | Iñigo Satrustegi
Ezker paretatik orainari

Sakea egin zuen Olaia Inziartek ostegun iluntzean Elorrioko Gazte Topagunean. Oronozkoak izan zuen antolatutako kontzertuen karpa txikia irekitzeko ardura. Eta are, txiki geratu zen Ezker Pareta abeslariaren harridurarako. Orduek aurrera egin ahala, baina, indarrak gordetzea... [+]


Eguneraketa berriak daude